35 ဖြားဖြစ်ကြောန့်နူးဆိုဟှာ ငါဟှာ ဗိုက်ဆာဟှူ ခီမာ နန်းနို့လေဟှာ ငါ့ဟှို စားဇာပေးဂေ့လေဟှယ်။ ငါရေငတ်ဟှူ ခီမာ နန်းနို့လေဟှာ သော့-က်ဇာပေးလေဟှယ်။ ငါဟှာ ဧည့်သယ်ဖြစ်ဟှူ ခီမာ နန်းနို့လေဟှာ ငါ့ဟှို နန်းနို့ရဲ့ အီလေမာ လတ်ခံဂေ့ဘီး၊ 36 ငါဟှာ ခ္လေးပ္လန်းဗ္လန်းဖြစ်နေဟှူ ခီမာ နန်းနို့လေဟှာ ဝတ်ဇာဟှို ပေးလေဟှယ်။ ငါဟှာ ဖျားနေဟှူ ခီမာ နန်းနို့လေဟှာ ပြုစုဂေ့ဟှယ်။ ငါဟှာ ထောန်က္လနေဟှူ ခီမာ နန်းနို့လေဟှာ ငါ့နားဟှို လာဂေ့ဟှယ်’ ဆိုဘီး မိန့်တော်မူလေ့မယ်။ 37 ဖြောန့်မတ်ဟှူသူလေဟှ ‘သခင်၊ ကျွန်တော်ဟှားလေဟှ ဖယ်ခီဒူးဟှ ကိုယ်တော် ဗိုက်ဆာနေဇာဟှို ဗြင်ဘီး ကျွေးမွေးပါဟှယ်နူး၊ ရေငတ်နေဇာဟှို ဗြင်ဘီး သော့-က်ဟှူဇာဟှို ပေးဟှားပါဟှယ်နူး၊ 38 ကိုယ်တော်ဟှာ ဧည့်သယ်ဖြစ်တော်မူဟှယ် ဆိုဇာဟှို ကျွန်တော်ဟှားလေဗြင်ဘီး ကျွန်တော်ဟှားလေရဲ့ အီမာ ဖယ်ခီဒူးဟှ လတ်ခံဟှားဟှယ်နူး။ ကိုယ်တော်ဟှာ ခ္လေးပ္လန်းဗ္လန်းန နေတော်မူဟှယ် ဆိုဇာဟှို ကျွန်တော်ဟှားလေဗြင်ဘီး ဖယ်ခီဒူးဟှ ဝတ်ဟှူဇာလေ ပေးဟှားဟှယ်နူး၊ 39 ကိုယ်တော် ဖျားနာတော်မူဇာလေ၊ ထောန်က္လနေဇာလေဟှို ကျွန်တော်ဟှားလေဗြင်ဘီး ဖယ်ခီဒူးဟှ ကိုယ်တော်နားဟှို ရော့-က်လာပါဟှယ်နူး’ ဆိုဘီး ပ္လန်လျှော့-က်ဂေ့လေ့မယ်။ 40 မန်းဂီးဟှ ‘ငါ မှန်ပြောမယ်၊ အယ်မူ ငါ့ညီကို မောန်နှမလေထဲဟှ ငယ်ဆောင်းသူ တယော့-က်ဟှို နန်းနို့ပြုစုဇာလေဟှာ ငါ့ဟှို ပြုစုဟှူဇာဘဲ့!’ ဆိုဘီး ပ္လန်မိန့်တော်မူလေ့မယ်။"
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)