မဿဲ 27

51 အယ်မူခီမာဘဲ့ ဗိမာန်တော်ရဲ့ လိုက်ကာဟှာ ထတ်ဟှနေ အော့-က်ဟှို နှေ့ခြမ်းကွဲဟှားလေဟှယ်။ မ္လေဂီးဟှာ လှောက်ဘီး က္လော့-က်လေဟှာ အတ်ကွဲဟှားဘီး၊ 52 သန်းခ္လိုင်းဂူလေလည်း ပွမ့်ထွပ်ဟှားလေဟှယ်။ ဘုရားသခင်ရဲ့ သန့်ရှင်းသူလေရဲ့ ကိုယ်ခန္ဓာလေဟှာ ထမြော့-က်ဂေ့လေဟှယ်။ 53 ယေရှု ရှင်ပ္လန်ထမြော့-က်တော်မူဘီးန သူးနို့လေဟှာ သန်းခ္လိုင်းဂူထဲဟှ ထွပ်လာဘီးဟှာ သန့်ရှင်းဟှူ ဗြို့တော်ထဲဟှို ဝမ်ဟှားဘီး လူလေဟှို ကိုယ်ထန်ရှားပြလေဟှယ်။

54 တပ်မှူးနတူးဒူ ယေရှုဟှို စောန့်ကေ့နေဂေ့ဟှူ စစ်သားလေဟှာ မ္လေဂီးလှောက်ဟှူ ဇာလေန ဖြစ်ပျစ်ဟှားဟှူ ဇာလေ ဂူလောင်းဟှို တွိဗြင်ရဟှူ ခီမာ သူးနို့ဟှာ ရရာတိုင်း ကြော့-က်လန့်ဟှားဂေ့ဘီး "အယ်သူဟှာ တကယ်ဘဲ့ ဘုရားသခင်ရဲ့ သားတော်ဖြစ်ဟှယ်!" ဆိုဘီး ပြောဂေ့လေဟှယ်။