46 अन्न ङिक येसु ह्याङ गालीलन काना सहरग स्वाबो। खाः नुई त्यू अङ्गुरन खु दोङ्पा ङ्याह्। कफर्नहुमग ङोत्वा आङ खेनान्न सिमिदी ङ्याह्, नुन ङोह्जो खँ।4:46 यूह २:१-११ 47 येसु यहूदियालै गालीलग स्वापा ङ्याह् र्वानान ताह्ताह् ङोत्वा आङ खेनान्न सिमि नुन स्याह् होई, आलै नुन ङोह्जो स्वास्वा सिम धोवाँ र्वार्वा नू छ्याःफुल्बो, तैङर्वाङिन नुन ङोह्जो सिम जाःपा ङ्याह्। 48 येसुई नू र्वाबो, "ङेन ताईलुवान धोन रे हालाईचेन धोनव मरङ्न बेर तै खेखेई बिस्वास मखेँ।"4:48 दान ४:२ 49 मन ङोत्वा आङ खेनान्न सिमिजै नू र्वाबो, "गुरु, ङन ङोह्जो सिचेन खेरे ङूई स्वायो।" 50 येसुई नू र्वाबो, "वया, नान ङोह्जो सम्पु ङ्याह्।" येसुई नू र्वापान बचन मन सिमिजै बिस्वास खेबो, रे जेँन लमग होई। 51 आलै नु वैतौवैतौ लमगै नुन राङ्पावजै नू दोदो नुन ङोह्जो सोम्बो र्वार्वा नू स्याप्पो।
52 हातौन भेलालै नू ताःमः जाःबो र्वार्वा नुई ख्युकाङ्मोः लोत्तौ ख्युई र्वाबो, "थ्याँ ङिजे एक बजेलै छायोई नू फेप्पो।" 53 येसुई नू "नान ङोह्जो सोन्नान ङ्याह्" र्वापान भेलालै जेअँ र्वार्वा पाः क्युई रह्बो। आलै नुँह्जै रे नुन यिमन पयार पुरूजै बिस्वास खेबो। 54 यहूदियालै गालीलग स्वास्वा येसुई खेपा अन ङेरेपन ताईलुवान धोन ङ्याह्।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)