João 5

योह् कत्यामग पछेघाति ताह्पा

1 अन्न ङिक यहूदीवन तेवर ङ्याह्, रे येसु यरूसलेमग होई। 2 यरूसलेमग लूपा झलान रह्‌म्म ङा थाम थेम्पा रह्पान योह् पोखरीदी ङ्याह्, कनग हिब्रु ल्होईग बेथस्दा र्‌वाङ। 3 स्याह्‌ राँसा राँसान खङ्नानव, आथबा मी मरङ्नान, लेह्‌न मतैनान, ल्हो मगुल्नान्न सिमिव क्याङक्याङ छ्युँ। [ख्यु त्यु कन्न भेला कुल्ङ र्‌वार्‌वा कूङ। 4 तैङर्‌वाङिन परमप्रभुन दुतदीजै कार्तौ-कार्तौ योह् कत्यामग धुलधुल त्यु कुल्ङ, रे त्यु कुल्मी सु ङू त्युन झिङ जाःङ, तैस्याङ्न नाजाई खङ्पा रानै, मन ताँ।] 5 स्याह्‌ ङिच्यु रै च्योर्गे परालै खङ्पा सिमिदी ङ्याह्। 6 येसुई नू स्याह्‌ क्याङक्याङ छ्युङ्पा रङ्बो आलै भेला र्‌याङ्मलै मन अन धसा ङिम्न र्‌वार्‌वा क्युई राह्‌राह्‌ येसुई नू र्‌वाबो, "तै ना ताःसुम खेनौ?"

7 खङ्नानजै नू र्‌वाबो, "गुरु, कन्न भेला त्यु कुल्ङ मन्न भेला ङाः पोखरीन त्यु थाल साःनान ङन सिमि सुई मीपा, ङा वैतौवैतौ ङन खेरे ङू घङ सिमि त्यू धुल्ङ।"

8 येसुई नू र्‌वाबो, "च्याँ, रे जेँन ल्हौ तुह्‌या, रे ल्हेना।" 9 तुरुन्तै अन सिमि ताह्बो, रे नु जेँन ल्हौ हुरहुर ल्हेम्बो। अन्तौ नाह्‌न ल्हाः ङ्याह्।