Marcos 3

Kutze Pa

1 Cun Jesuh cu Sinakok ah a lut sal ih, cuva ah kutze pa pakhat a um. 2 Mi hrekkhat nih Jesuh cu sual an puh theinak dingah, Sabbath ni ah cupa cu a damter thok maw damter thok lo tiah ṭhangai in an zoh. 3 Jesuh nih cuvai kutze pa cu, "Hang ding la, hmai ah va suak hnik," tiah thu a pe. 4 Cun Jesuh nih an sinah, "Daan nih Sabbath ni ah thil ṭha tuah maw, thil ṭha lo tuah hi a kham? Mi nunnak run maw, thah hi a kham?" tiah a sut hnei.

Asinain an dai ṭhipṭhep. 5 Cun Jesuh nih thinsia in a zoh hnei vivo ih an thinlung a ruh tuk ruangah a riah a se ngai. Cun cuvai kutze pa cu, "Na ban cu pharh," tiah a ti.