Lucas 1

Ulotezi wa Zakalia

67 Zakalia, ise dya Yohana niyo amemezwa Muye ywa Mnungu, niyo akonga kulotela.

68 "Atogolwe Zumbe, Mnungu ywa Izilaeli!

Kwaviya keza kuwambiza want’hu wakwe no kuwakombola.

69 Kakikimalisila uyokozi una ludole,

mwe nyumba ya Daudi mndima ywakwe.

70 Enga ivo alongaga kwa milomo ya walotezi wakwe wakukile

kukongela uko kale

71 kugamba naakiyokole kulawa mwa wank’hondo wetu,

na kulawa mwo ludole lwa wadya wose wakukiihiya.

72 Nakagamba nawaonele mbazi wakale wetu,

naho naakumbukile ndagano yakwe ikukile.

73 Amlaganaga Ibulahimu mkale ywetu

74 kugamba naakikombole suwe

kulawa mwe mikono ya waihi wetu.

Naho naakitende kidahe kumdamanyila ndima haheina wogofi,

75 kwa kukuka na kuzumilwa kunda wedi hameso hakwe,

mwa mazuwa yose yo ugima wetu.

76 Nawe mwanangu, nowitangwe mlotezi ywa Mnungu ekulanga vitendese.

Kwaviya noumlongoele Zumbe,

umdamanyile isila,

77 kuwagambila want’hu wakwe kugamba nawayokolwe,

kwa kuusilwa wavu wawe.

78 Kwe zimbazi no uwedi wa Mnungu ywetu,

akink’ha ung’azi wa ukombola kulawa kwe mbingu,

79 awang’azile want’hu wose wakwikala kwe kizuli che file,

na kuzilongoza nk’hacho zetu mwe sila yo utondowazi."