João 15

येशु तेम्बा अंगुरयि जालि

1 "तेम्बा अंगुरयि तोङभोङ ङ्याना, राङ ङाहि आके स्यिङयि लाइ किङान ना।" 2 ङाला होएता पोरो ढाला काङयि ढेबु मितेरा हतिला तुप्ते ल सोयाप राङ ढेबु तेरङान पोरो ढालाला हतिले याङ झन मा तेरिन नाइरे झन तुप्ते भे क्याकिन। 3 ङाहि खेला नानाइबि वचनयि खे तेकि राङ चाङमा च्युङ छारते। 4 ङाला त्योए, राङ ङा खेला तोच्याइ। च्हिरु क्याइरे ढाला अंगुरयि तोङभोङला मात्येना हति खुरि ढेबु छ्या मिङ्युइबा, हति च्वरा क्याइरे खे ङाला मात्येना खि याङ ढेबु छ्या मि ङ्युइबा।

5 "अंगुरयि भोटि ङा ना, खे ढालातेबा ना। तेम्बारे सुवाङ ङा ङ्याबो त्येना, राङ ङा हतिला त्येना, हति ढेबु लेइराङ छ्यातु झ्युङान ना चिचालानाना ङाने कुरु ताते खि च्याङ कि मिङ्युइबा।"