1 ङालसुइ ङिन सिन छारते च्येला मरियम मग्दलिनि राङ याकुबयि आमा मरियम राङ सलोमियि टिमा स्यिबो मलम येशुयि स्हुला कुइयापयि चाला ङ्योइसोङ। 2 हप्तायि ङिन ताङस्युवा जब ङिमा स्यारि तुइना हतिबा तुरसाला पुइसोङ। 3 तेहि हतिबे खोरे नाङला नाइसोङ, "ङि चाला तुरसायि कोयि टोउ सुइ लहोङङे?" 4 तेहि हतिला यहला तेतुइना हतिबे तुरसायि हति टोउ ललबा थोङसोङ। हति टोउ लेइराङ छेया धु। 5 तेहि तुरयि नाङला पुते हतिबे कोहिला कारबो कोकोना मि स्यारा झिला याइबा यहला ताताता थोङसोङ, राङ हतिबा हा:लाइसोङ। 6 हिन्नाङ ख्युइ हतिबाला नाइसोङ, "हा:मालाइ, खे नासरत येशुला फाकिन्दु, सुला क्रुसला तारे। खो सोम्बो च्युङदे लाँदु। खो ङिहा मिदु। खोला पोपोरि साला तोइ। 7 क्यु, राङ ख्युइ लोब्टु राङ पत्रुसला नोइ कि खो खि ताङ ताङला गालिलला ढुन ताताता धु। ख्युइ खेला नानाइबा च्वरा खि खोला हतिया थोङान ना।" 8 हतिबा तुरने थोन्दे धि मिता नामयाङ मिस्यिङान हिना नेनराङ स्युरते पुइसोङ, चिचालानाना हतिबा झिटा राङ हा:लाइरे हतिबा धारिनदु। तेहि हतिबे येशुयि लोब्टु राङ पत्रुस सुलाङ च्याङ मानाइसोङ, चिचालानाना हतिबा झिझिबा धु।

9 हप्तायि ङिमा ताङस्युवायि नामे खो सोम्बो च्युङदे लाँछारते खो ताङस्युवा मरियम मग्दलिनि तेहा थोङसोङ। ख्युइ मोने ढे तुन थाबा तोतोना होतो। 10 मरियम पुते ख्युइ लोब्टुबाला धि लोन नाइसोङ। हतिबा छिमा तोङिन राङ ङुन त्येतु। 11 हिन्नाङ जब येशु सोम्बो च्युङदे राङ मरियमयि तेहा थोङदे नाङानयि ताम हतिबे थोइरे, तहि हतितुइना हतिबे हिमाछेसोङ।

12 हति लोब्टु ङि युलला ढुन ताताति भेलाला हतिबे तेहा ख्युइ स्यान धो झिला थोङसोङ। 13 तेहि हतिबा लक्ते पुते स्यानतेबाला स्येसोङ। हिन्नाङ हतिबे खोङ लाङ हिछे माक्याइसोङ।

14 तेहि च्येला खो लोब्टु च्युच्यियि तेहा हतिबा ङ्योपा स्येतुइना थोङसोङ। तेहि हतिबे हिमिछे राङ सम क्योङबोति चाला ख्युइ हतिबाला ङ्योइसोङ। चिचालानाना खो स्यि छारते सोम्बो च्युङदे लाँ छारते च्येला खो थोङानतेबे ताम हतिबे हिछे क्याक्याइबा मेतालो। 15 तेहि ख्युइ हतिबाला नाइसोङ, "संसार पोरोला पुते मुलुला लोन ल टाइक्ये कि।✝ 16 हिछे किङान राङ बप्तिस्मा खेरङानला थारथोनयाप खुङान ना, हिन्नाङ हिछे मिकिङान दोषि होङान ना। 17 हिछे किङानला धि ता:तेबा होङान ना ङाहि मिनला हतिबे ढे धेङान ना, हतिबे क्ये सारबाला ताम नाङान ना, 18 हतिबे रुलतेबा सुङान ना राङ तु होएता चिगा तुनाङ हतिबाला नोए मिकेला। हतिबे नाझा होएतातेबे थोला रेँ लाक्पा भोरङान ना राङ हतिबा टाङान ना।"

19 तेहि हतिबा ङ्याबो जब नाइ छारते च्येला प्रभु येशु तेङलाला पुइसोङ, राङ कजसुबायि याइ यहला त्येसोङ।✝ 20 तेहि हति लोब्टुतेबा पुते सा पोरोला टाइक्ये क्याइसोङ। प्रभुयि हतिबा ङ्याबो लाइकिन राङ त्येसोङ, राङ ता:तेबे लाम्ला वचनला चाङमा सोइसोङ। आमेन।