1 नामे च्युनङि पाल्ला घोबा पुजारितेबा, केवाकिङान गुरुतेबा, शास्त्रितेबा राङ यहुदि झोमसि खिमयि मितेबे रेँ नाङला टोइ क्याइरे येशुला ताम्दे खेरसोङ, राङ पिलातसला टोएसोङ। 2 पिलातसयि खोला टिसोङ, "च्हि ख्योए यहुदिबे क्यालबो हिनाइ?" ख्युइ हतिला जवाक पिन्सोङ, "ख्योए राङ धि च्वरा नेन्दु।"

3 घोबा पुजारिबे ख्युइ थोला लेइराङ तामयि दोष लाइ क्याइसोङ। 4 पिलातसयि याङ खोला धि च्वरा नाइरे टिसोङ, "च्हि ख्योएला जवाक राङ मेताइ? तोइ। ख्युइ विरोधला हतिबे चोम दोष लाइ किन्दुइ।"

5 हिन्नाङ येशुयि याङ जावक पिन्सोङ, धि थु कि पिलातस हा:लाइसोङ।

6 निस्तार कालापसोलयि भेलाला मितेबे लाँलाँबि कैदि झिला हतिबे चाला पिलातस तुइलो। 7 विद्रोहयि भेलाला मिपसोए किङान विद्रोतेबा किङानतेबा झ्याल्ला च्युक्तेलो। हतिबे नाङने बारब्बा नाङान च्यि हतिया राङ धु 8 यि तुम लेप्सोङ राङ पिलातसला रेँ चल च्वरा क्याइरे स्युवा क्याला छेलसोङ। 9 पिलातसयि जु नाइरे हतिला ढियाला छेलसोङ, "च्हि ङा खि चाला यहुदियि क्यालबोला तोङ नाङान खे सम किनाइ?" 10 चिचालानाना ठाधोयि क्याइरे राङ घोबा पुजारियि येशुला ख्युइ तेहा टोटोता ना नाइरे खोला छ्या होतोलो।

11 हिन्नाङ बरु बारब्बाला हतिबे चाला ख्युइ ताङोङ नाइरे घोबा पुजारितेबे मियि तुमला स्येसोङ। 12 पिलातसयि याङ हतिबाला टिसोङ, "हति च्वरा हिन्ना सुला खे यहुदिबे क्यालबो नेन, खोला ङा च्हि किच्याइ?" 13 हतिबे याङ क्ये तोनसोङ, "हतिला क्रुसला थह।" 14 पिलातसयि हतिबाला नाइसोङ, "चिला? ख्युइ च्हि अपराध क्याइ धुइ?" हिन्नाङ झन क्योङबो क्याइरे हतिबे नाइसोङ, "हतिला क्रुसला थअ।"

15 तेहि पिलातसयि मयि तुमला सम ढाँयापयि धोप्पि हतिबे चाला बारब्बाला ताङसोङ, राङ येशुला च्यायि छेरमा क्याप्ते क्रुसला धह तु टोएसोङ।

16 सिपाहियि खोला प्रेटोरियन, अर्थात खिम छोम्मुवायि क्ययि नाङला खेरसोङ, राङ पोरो सिपाहियि पल्टनला झोम्दु च्युसोङ।

17 तेहि हतिबे खोला बैजनि रङयि कोहिला काप्सोङ, राङ छेरमि टोपो सोइरे ख्युइ घोबोला काप्सोङ, 18 तेहि "यहुदिबे क्यालबुइ जय" नेन राङ हतिबे खोला सलाम किताला छेलसोङ।

19 तेहि हतिबे ख्युइ घोबोला ङ्युमि क्याकिन राङ खोला छिमा ताप्सोङ, राङ काङबा चुरे खोला छ्या चालसोङ।

20 तेहि येशुयि ना च्ये छारते हतिबे बैजनि कोहिला पुइसोङ, राङ खुरि कोहिला कापसोङ। हति च्येला हतिबे क्रुसला धयापला फिला खेरसोङ।

21 तेहि अलेक्जेन्डर राङ रुफसयि आके, कुरेनिला त्योएङान सिमोनला युलने लेलेबा हतिबाला ठेसोङ, राङ येशुयि क्रुस खुरते खेरयापला हतिला कर क्याइसोङ।✝ 22 हतिच्येला हतिबे येशुला गलगथा नाङानयि साला ख्योसोङ गलगथायि खुँते खोपडियि सा हिना। 23 तेहि हतिबे खोला मर्रा स्येस्येबि अंगुरयि खुवायि छाङ पिन्सोङ। हिन्नाङ ख्युइ हति ग्रहण माक्याइसोङ। 24 हतिबे खोला क्रुसला तासोङ। तेहि सुला काङ भागते खुँयाप ना सो थाकच्योए कियापला चिट्ठा च्युक्ते हतिबे ख्युइ कोहिला खोरे नाङला कोहिसोङ।✝ 25 हतिबे खोला क्रुसला धबितुइना नामेयि नौ बजे च्युङदु। 26 ख्युइ दोष पत्रला "यहुदिबे क्यालबो" नानाइबा धु। 27 हतिबे खो ङ्याबो कुम्मा ङि क्रुसला तारेलो चिते ख्युइ याइ यहला, राङ स्यानते ख्युइ योन यहला। 28 पवित्रशास्त्रायि वचन धि च्वरा क्याइरे पुरा च्युङसोङ, "खोला अपराध किङानबा ङ्याबो चिसोङ।"

29 हतिने ढोङानयि मितेबे रेँ झिङबा घुलिन राङ जु नाइरे ख्युइ ना च्योकिन राङ खोला नाइसोङ, "वाह! मोनलाम क्यासि खिम तिप्ते ङिन सुमला सोयाप✝ 30 क्रुसने पुप्ते सअ, राङ राङला क्योप।" 31 हति च्वरा क्याइरे घोबा पुजारितेबा याङ शास्त्रितेबा ङ्याबो जु नेन राङ खोरे नाङला खोला कुँरे नाइसोङ, "धि स्यानला क्योपसोङ, हिन्नाङ रेँ राङला क्योप माङ्युसोङ। 32 धि इस्राएलयि क्यालबो, ख्रिष्ट ता क्रुसने हअला पिप्ते सा, राङ ङि हति थोङान ना राङ हिछेकिङान ना।" खो ङ्याबो क्रुसला धङानतेबाला याङ ख्युइ ना च्येसोङ।

33 च्युनङि बजेने तिन बजे थु देश पोरोला मुन्ना च्युङसोङ। 34 तिन बजे जोमला येशुयि क्ये छेया क्याइरे क्ये तोनसोङ, "इलोइ, लामा सबखथनि?" काङति खुँ ना, "हे ङाहि कजसुबा, हे ङाहि कजसुबा, ख्युइ ङाला च्हिला ताङदे?"

35 फाला छुला ढोङानयि नाङने रेन रेनयि धि थोइरे नाइसोङ, "ङ्योन, हति एलियाला क्ये तोङिन धुये।" 36 तेहि च्हि स्युरते पुते कपासयि खाडे खुवाला पोरो राङ नुप्ते ङ्युमा रिङमुवा झिला जु नाइरे खोला थुङदु च्युसोङ, "ता, च्हि क्याइरे एलिया हतिला बेप्तु हुन्तोम कि।"

37 तेहि येशुयि क्ये छेया तोन्दे उ च्येसोङ।✝ 38 तेहि तन्ना मोनलाम क्यासि खिमयि टुपुने राङ स्याम थु भाग ङि च्युङदे रालसोङ। 39 येशुयि उ च्याच्याता थोङदे ख्युइ धुनला लाँरे ताताति घोबायि नाइसोङ, "तेम्बारे धि मि कजसुबायि पिजा हिना।"

40 हतिया घ्याबोने ताङान पुमो रेन याङ धु। हतिबे नाङने मरियम मग्दलिनि तेहि टिमाते याकुब राङ योसेफयि आमा मरियम राङ सलोमि हिना।✝ 41 खो गालिलला होतितुइना, हतिबा ख्युइ च्येला हुन्लो, राङ खोला स्यापच्यि स्युनलो। येशु ङ्याबो यरुश्लेमला लेलेबा स्यान पुमो लेइ याङ हतिया धु।

42 तयारि ङिन, अर्थात, ङालसुइ ङिनयि ङिमा ताङमा, कमु हुन राङ धु। 43 यहुदि झोमसि खिमयि प्रतिष्ठित स्दस्यतेबा अरिमाथियायि योसेफ, सुइ कजसुबायि राज्यि लाम तेनराङ धु, हति हा:म छेया राङ किङगा पिलातसयि तेहा पुते येशुयि रो लाँरेलो। 44 येशु तकि राङ स्यिस्यिया थोइबितुइना पिलातस हा:लाइसोङ। तेहि घोबाला रेँ तेहा क्ये ताङदे येशु स्यिस्यिया हिना कि माना नाइरे ढियाला छेलसोङ। 45 खो स्यि छाछारा घोबाने हा:को छारते पिलातसयि येशुयि स्यिस्यियि स्हु योसेफला खेरयापयि आङ पिन्सोङ। 46 तेहि योसेफयि मलमलयि कोहिला ङ्योइसोङ, राङ रो हअला पुप्ते कोहिलायि तामसोङ, तेहि टाला कोएक्यापते सोसोइबि तुर झिला पोरसोङ। हति च्येला तुरयि खाला ख्युइ टोउ झि काप्सोङ। 47 मरियम मग्दलिनि राङ योसेफ