João 20

येशु राङ थोमा

24 येशु हुइतुइना च्युनङियि नाङने चि, दिदुमास नाङान थोमाते, हतिबा ङ्याबो मिधु। 25 हतिचाला स्यान लोब्टुतेबे खोला नाइसोङ, "ङाहि प्रभुला थोङसोङ।" हिन्नाङ ख्युइ हतिबाला नाइसोङ, "जब थु ङाहि ख्युइ लक्पाला किलोयि मेटा मिथुवा, राङ किलोयि मेटाला झु मिसुरा, ख्युइ टाङला लाक्पा मिसुरा, हति थु ङा हिछे मिके"

26 ङिन क्येयि च्येला याङ ख्युइ लोब्टुतेबा खिमयि नाङला राङ धु। थोमा याङ हतिबा ङ्याबो धु। को तेबा क्यापतु हिन्नाङ येशु नाङला स्युसोङ, राङ उइला लाँरे नाइसोङ, "खेला शान्ति!" 27 तेहि ख्युइ थोमाला नाइसोङ, "ख्युइ झु ङिया पोर, राङ ङाहि लाक्पातेबा तोइ। ख्युइ लाक्पा ख्योरे ङाहि टोपाला छ्यु। हिमिछे माके राङ हिछे किङान सह।" 28 थोमायि खोला नाइसोङ, "ङाहि प्रभु, राङ ङाहि कजसुबा!"

29 येशुयि हतिला नाइसोङ, "ख्युइ ङाला थोथोति चाला ङाला हिछे क्याइसोङ? धन्य ना हतिबा, सुइ ङाला थोथोङा मेता हिन्नाङ हिछे किन्दु।"