João 6

6 ख्युइ खोला छोए तायापयि चाला धि नानाइबा ना, चिचालानाना को च्हि कितु पुते, सो खोला छ्या होतो।

7 फिलिपयि खोला नाइसोङ, "पोरोला टिझिटिझि खुनाङ ङाहि ङुलयि सिक्कि क्या लोटा हतिबाला छाँमिदु।" 8 ख्युइ लोब्टुबे नाङने च्हि सिमोन पत्रुसयि भाइ अन्‍द्रियासयि नाइसोङ, 9 "ङ्या पिजा झि दु, हतिला जौकायि लोटा ङा राङ ङ्या ङाहि दु। हिन्नाङ झोम मि चाला झोबा झि कि काँहा छाङिन?"

10 येशुयि नाइसोङ, "मितेबाला तोतुछ्‌यु।" हतिया चा लेइराङ क्येक्येबि थाङ धुलो। तेहि तोङ ङा थाबा पिजा हतिया त्येसोङ। 11 तेहि येशुयि लोटा खेरसोङ, राङ कजसुबा ला कटिनक्याँ नाइरे च्येला त्योएङान तेबाला कोहििसोङ, हतिच्वरा क्याइरे ङ्या याङ कोहििसोङ। हतिबाला चोम कोइबा होए होचोम पिन्सोङ। 12 तेहि ख्होए ढ्हाढ्हा थु साइ सोङ ख्युइ खुरि लोब्टुतेबाला नाइसोङ, "ला मा लुलुइबि तुबुतेबा तुइ, चियाङ मासहि होङदु माजु।" 13 साङानतेबे लालाकि जौका हति लोटा ङाहि तुभुइ हतिबे तुरे ख्योए फुगो च्युनङि खाँसोङ।