1 Tessalonicenses 1

1 Ayi taba, Bulus, Sila bǝn Timoti, ta tǝk zhin,

Fe aner abe akabankɔŋ nǝ nǝ Tasalɔnika ndi aye abɛ Arik Tetɛɛ, bǝn Ŋgɔŋ Yesɔ Kristi:

Ki didik yi na Arik bǝn sik susun bǝ yi min.

Nǝk nyer ndi aner Tasalɔnika ne kli mgbamgbaŋ

2 Kɔte bɛr tayi ta nyɛr Arik ne atu amin bɔbɔk, te shur zhin ne ben Arik mɔr. 3 Ba tane duŋ shu zhin zhi ne ti kɛ Arik amɔr bǝn Tetɛɛ amɔr ne ndum min kɛ duŋ zhin klɛ gbamgbaŋ, ndum min ne tsar tanyɛmɛ min, bǝn zhɔk susun min ndi ne nai anyak ne shur ayi bǝn Ŋgɔŋ amɔr Yesɔ Kristi.

4 Akpa amɔr, ta nǝ zhi tǝ Arik a nyɛr zhin tɛ na hria zhin tɛ bǝ yi amaa. 5 Tǝ tanǝ gli zhin lɛ didik kǝ men, ba nǝ lǝlɛ ankyak ba, tǝ vuŋ mgbyamgbyaŋ bǝn Izhu Tsetser, bǝn gli tanyɛmɛ yi Izhu Tsetser, ndi ne gli zhin zub. Izhin ne zhi ndi tanǝ sɔŋ ne miŋ min; nǝ yɛmɛ nǝ rɛ kǝ atu amin. 6 Izhin ne zǝ ki na mɔr bǝn yi Ŋgɔŋ; ne min kɛ yik iya, izhin ne ta lɛ didik ne nyɛr ikɛ nǝk Izhu Tsetser. 7 Ne me izhin ne yi ki ndi abǝ zǝ Kristi atei zǝ nkɔŋ min ne ntun yi Makidɔniya bǝn Akaya. 8 Ilɛ kɛ Ŋgɔŋ ne yir bǝn abɛ zhin te shak ankpa bane Makidɔniya bǝn Akaya ankyak ba itanyɛmɛ min ne lɛ kɛ Arik ne zǝ kɔte me. Ndi iye me, ba sɛ tanǝ na di kinuŋ ne tu mɔ ba. 9 Bɔbɔk anɛr alɛ nɛ atu min irkǝŋ ndi izhin nǝ ta ta nǝ nye mɔr, bǝn iyiŋ ndi izhin nǝ ŋur kam nyak bǝn Arik, tǝ duŋ zǝ anerim te zǝ Arik nǝ zub nǝ vli 10 te zhin bǝ ŋub Izu maa nǝ rɛ gbarshu, waŋ ndi ne lɛgu ne ku, ayi Yesɔ, waŋ ndi ne ta ta zhɔk ne mfu kɛ nyɛ.