1 Izhineba ba atukɔ, izhin bǝ na ina didik ne gli agɛn ami. Iwa ma ubɛ zhi uyi ne Ŋgɔŋ iwaŋ ndi a naŋu ne shu.

2 Izhin bǝ nǝk atu min ne ben Arik, te bǝn hria ayi ne ben Arik, tena nyɛr Arik. 3 Neme izhin bǝ ben ta Arik, te Arik abɛ nǝk ta mkpaŋ didik kɛ du ilɛ maa ikɛ yaŋ zhi Kristi. Waŋa ayi iki yi duŋ myi ne jaru. 4 Ben, ndi, M tǝ du lɛ, nǝ nkɔŋ keŋ ndi ibǝ yi anenen.

5 Hria zhin ayi nena min bǝn abaŋ ndi ba ne zhi Arik ba, te nazhin iki didik ne mkpaŋ kɛ yik mi. 6 Ilɛ min bǝ yi ilɛ kɛ men bǝn kɛ rɛ, izhin bǝ zhi bla ilɛ didik bǝn aneshir bɔbɔk.

7 Izumɔr Tikikus, iwaŋ ndi ta nye ru, ana ndum didik ne nkɔŋ kɛ Ŋgɔŋ, atei bla zhin lɛ didik bɔbɔk ne atu muŋ. 8 waŋa iki yiŋ ndi ne duŋ me sharu bǝn abɛ zhin, te izhin bǝ zhi te bɔbɔk mɔrɔ ta kusɔŋ ndɔ te asusun amin abɛ rɛ. 9 Atei nyɛ bǝn Anisimus, waŋ ndi ayi izu mɔr, waŋ ndi ayi ne miŋ imin. Atai bla zhin iki yiŋ ndi itsen ayaŋa.

10 Aristakus, waŋ ndi ayi ne jaru bǝn abɛm, a tǝk zhin, bǝn Markus, izumen anii Barnaba. (Ne ka tsa ru ndi utei tau ate nyɛ bǝn abɔu.) 11 Joshuwa, waŋ ndi azhɔu te Yustus, a tǝk zhin. A tar abaŋa ankyak ayi Ferisawa abɛ tanyɛmɛ bǝn lɛ kɛ Arik abaŋ ndi a na ndum bǝn abɛm ndum kɛ kɔb Ŋgɔŋ kɛ Arik, ne lak me tetɛk.

12 Itek ire bǝn Abafara, inuŋ ne miŋ min bǝn iner ne zǝ Kristi Yesɔ. A benu Arik, te Arik abɛ duŋu klɛ mgbyamgbyaŋ, te ubɛ yi ne klik ne zi Arik, ne susun me bɔbɔk ne susun kɛ Arik. 13 M tei zhi bla ndum kɛ na maa ngɔŋ bǝn abɔu bǝn aneshir abɛ ntun yi Ladukiya, bǝn Hirafolis. 14 Izumɔr Luka, ine na kǝka, bǝn Idimas a shar te abɛ tǝk zhine.

15 Mtǝk zhin amunya ne Ladukiya, kam kɔmɔ ni Nimfa bǝn abɛ zǝ Yesɔ ndi abiŋ ne kɔmaa. 16 Ndi izhin tǝ ka tɔ cɛr yiŋɛ, izhin bǝ bla abɛ zǝ Yesɔ nǝ Ladukiya ne kǝ. Ne mkpaŋa izhin bena bla icɛr iyiŋ ndi amunya abɛ yi ne Ladukiya atei shar zhin ne kǝ. 17 Te ka bla Akibus, <<Ubǝ na ndum keŋ ndi Ŋgɔŋ ne sharu ma iklɛ.>>

18 Nga Bulus mne cɛr mplɛ kǝŋe ne ŋɔk muŋ: men tǝk zhin. Kǝr izhin bɛ ŋursuk ba tǝ nɛ kpam ne atsǝtsaŋ!

Iki didik ye Arik bɛ yime bǝn abɛ zhin.