1 Nga Bulus, inǝ na ndum kɛ Kristi Yesɔ ne tanyɛmɛ iye Arik, ishar tǝ bɛ bla ikpa nyak yi vli keŋ ndi ta yime nekǝ nǝ biŋ mɔr bǝn Kristi Yesɔ.

2 Igar bǝn Timoti, izu muŋ:

Tǝ Arik ndi ai Tetɛɛ bǝn Kristi Yesɔ Ŋgɔŋ amɔr be nǝgu Ita zhɔk, ilɔ susun, bǝn sik. Ki didik, iwɔ lɔ susun ben sik susun yi Arik waŋ ndi ayi Tetɛɛ ben Yesɔ Kristi Ŋgɔŋ amɔr.

3 Mnǝ nyɛr Arik,waŋ ndi mzǝu nǝ idur tsetser, ndi atsǝntsǝm amuŋ ne na. M nye ru ne susun tsetser, ndi M shu nzhiu iyaŋ mkpaŋ nǝ ben muŋ ibu bǝn iber. 4 Mnǝ shu nzhi ayi ami, tǝna wɔb tǝm yigu ngɔŋ, te susun muŋ bǝ shaga nǝ nyɛr. 5 M shu nzhi tǝ itanyɛmɛ didik ndi uyimɛ neyi ndi yaŋgɔŋ ami Loyis bǝn yaa mi Yunis ne tsa ru. Mnǝ tanyɛmɛ tǝ itsara nak ri yi bǝn abɔu. 6 Ndi iyeme M shu nzhiu tǝ ubǝ gli iki yiŋ ndi Arik ne nǝgu neyi mgbamgbaŋ ndi Mnǝ sagu aŋɔk. 7 Tǝ Izhu ndi Arik nɛ nǝk ta ba duŋ ta klu sisik ba; ndi amɛ, izhu maa iyir miŋ mɔr tǝ nǝk ta iklik, inyer, bǝn vuŋ kpa. 8 Ne me duŋ te ishisha ne bla lɛ kɛ Arik amɔr ba, kɔ ubǝ te shisha yi kur ne jaru muŋ ne tu ayi zǝ Yesɔ ba. Fena ubǝ zǝm yir miŋ kɛ yik iyah ne lɛ didik, ne mgbyamgbyaŋ kɛ Arik, 9 waŋ ndi ne ta ta azhɔk tena zhɔ ta te ta bǝ yi ne sɔŋ kɛ tsetser ba ne kinuŋ ndi tane nai ba ama Arik ne nai ne yik maa ben ki didik. Iki didik yiŋɛ ne nek ta neyi ne min kɛ Yesɔ Kristi ne mkpaŋ kɛ kuti, 10 fe Arik neka agli kɛ arumɔ ne munru yi waŋ ndi ne ta ta azhɔk, Yesɔ Kristi, waŋ ndi ne caŋ ku agli adɔmɔ tena Gli susun kɛ yaŋ ku ben kpa kɛ yaŋ be kɛ laŋ ne tu yi lɛ didik. 11 Nǝ tu kɛ lɛ didik kǝŋe ne nǝm bla kɛ tem na yi ne na ndum maa ben ne tsar. 12 Waŋ ai ki ndim zen yik iyah ma. Neme ishisha ba tem ba, tem mne nzhi waŋ ndi mne tanyɛme ben abɔu, 13 Iki yiŋ ndi une wɔi ben abɛm, glii te ai yi iyi ankɔŋ ane tsar adidik, ben tanyɛme ben nyɛr ne min kɛ Yesɔ Kristi. 14 Ŋub iki didik yiŋ ndi ne nǝgu neyi duŋ Izhu Tsetser yi Arik yiŋ ndi yine akpa amɔr bǝ zo gu ŋubǝ ma.

15 Une zhi te kɔte ŋɔwa ne gar kɛ Asiya ne kyak me, ben Figelɔs ben Amɔgines.

16 Arik abɛ lɔ susun ikɛ kɔb Onesiforos, te ne duŋ susun muŋ sik bane te ishisha ndi ne kum ne jaru ba. 17 Ndi ane nyɛ Roma, ane zen wɔb me ŋgɔŋ te anyɛ yik me. 18 Mben Arik te abɛ wɔ ilɔ susun ne tu maa ben Ŋgɔŋ Yesɔ ne bɛr yuŋɔ! Une zhi ŋgɔŋ te ne nam kiki tetɛk iyi rɛ ne Afisa.