1 Ama uwa Timoti ubǝ zhi: aneshir atei yik iyah tetɛk ne klɛ gɔŋmimi. 2 Aneshir atei yi abɛ nyɛr atu amen, te nyɛr azɔb, te ŋur asa, te gli tu ne shu, te yen aneshir, te kyak wɔ lɛ kɛ abaŋ ndi ne ŋli ba, te yaŋ nyɛr ne iki yiŋ ndi ayime neyi, te yaŋ tsǝn tsetser, 3 abɛ yaŋ tanyɛme ne akpa, abɛ gli akpa ne susun, te kyak akpa yi, te yaŋ vuŋ kpa gli, te yaŋ lɔ susun akpa, te kyak ikiki didik, 4 abɛ na akpa ikiki mimin, te klik atu, te na gli atu adidik, te na wɔb men kɛ gɔŋmimi inaŋ zǝ Arik, 5 te na ndi aba zǝ Arik ama akyak mgbyamgbyaŋ maa. Ubǝ te shaan ben abɛ ba.

6 Abaŋ ndi a wɔb yir akɔb aneshir te lɔm amba baŋ ndi ayi bliblik, abaŋ ndi zumimin ne shak akpa mǝne, ikiki yi tik ayi mimin ne baŋ asusun amene, 7 atsar ba kɔte bɛr tayi ama ba zhi lɛ didik ba. 8 Ir keŋ ndi Yanisa bǝn Yambrisu ne wɔb Musa ne akla, fe aneshir abaŋa akyak lɛ didik, aneshir abɛ dur, itanyɛme men, iyi iki sha. 9 Ama ba tei te gbagbaŋ ba, ate yi ir aneshir abaŋa, iyaŋ Mgbemgbeb mǝne itei muŋ ru.

10 Fe uwa Timoti ne tu mi, une zhi tsar muŋ, ben susun muŋ, bǝn nek susun muŋ, bǝn tanyɛme ne susun muŋ, bǝn vuŋ susun muŋ, bǝn nyɛr muŋ, bǝn vuŋ kpa muŋ, 11 bǝn iyah yiŋ ndi ne sak neyi, bǝn iyah yiŋ ndi mne yige, ne ya Antakiya Ikɔni, bǝn Listira, ben ir keŋ ndi mne vuŋ kpa ne iyah yiŋ ndi ne sak me neyi. Neme, Arik ne glim agli rumɔ ne kiki yiŋɛ bɔbɔk. 12 Ilɛ didik, waŋ ndi awɔb tsǝn anenen ne ankɔŋ ayou Yesɔ Kristi atei yik iyah yiŋɛ. 13 Aner amimin bǝn abɛ lɔm aneshir atei cɔk ala anaŋ kukub, atei cɔk aneshir, atei na cɔk ba menyi. 14 Ama uwa Timoti, ubǝ klɛ mgbamgbaŋ ne lɛ keŋ ndi une ka men vuŋ kɛ gli te na tanyɛme ne kɛ, te une zhi abaŋ ndi une vuŋ kɛ ben abɛ ba, 15 ubǝ zhi te une zhi lɛ kɛ Arik ire vǝvǝn, keŋ ndi ne duŋu zhi lɛ kɛ ta zhɔk ndi rɛ bǝn Yesɔ Kristi. 16 Icɛr yiŋɛ bɔbɔk iyi vli kɛ Arik ndi rɛ tsar, bǝn tsaŋ, ben ŋɔk susun zhɔk ne ankɔŋ adidik, bǝn zhɔk ne ankɔŋ ane tsetser, 17 te duŋ ner ayɔu Arik abɛ yi anenen ne kɔte ndum didik takɛ.