1 Nga Bulus, Sila bǝn Timoti,

Ta cɛr shar anɛr abǝ zǝ Arik ne Tasalɔnika, ne sak kɛ Arik Tetɛɛ amɔr bǝn Ŋgɔŋ Yesɔ Kristi:

2 Ina didik bǝn sɔŋ kɛ sik bɛ yi ne atu amin ire bǝn Arik Tetɛɛ bǝn Ŋgɔŋ Yesɔ Kristi.

3 Akpa amɔr, Nǝ rɛ te kɔte mkpaŋ takɛ bɔbɔk tabǝ nyɛr Arik ne tu amin. Nǝ rɛ tǝ tabǝ na amɛ, tǝ tanyɛmɛ min iflu ngɔŋ bǝn nyɛr yiŋ ndi kɔtǝ ŋɔ nǝ miŋ min izǝn tǝ ngɔŋ. 4 Waŋa ai ki yiŋ ndi ta ŋur asa bǝne bɛzhin nɛ Akabaŋkɔŋ ayou Arik. Ta ŋur asa nǝ ir kǝŋ ndi izhin zǝn vuŋ kpa tǝna tanyɛmɛ nǝ sak iya bǝn iya yiŋ ndi izhin zǝn yigǝ.

5 Iki yiŋɛ bɔbɔk iyi didik bǝn Arik, ne yi amɛ atei tɔ zhin ashaga ayi ne kɔb Arik, keŋ ndi izhin ne yik iya ne atu amaa. 6 Arik ayi didik: Atei duŋ abaŋ ndi ne nǝk zhin iya abɛ yik iya 7 atai nǝk zhin sɔŋ sik ne tu abaŋ ndi ne nek zhin iya, bǝn taba mɔr yimɛ. Iyiŋɛ itei yi ne mkpaŋ keŋ ndi Ŋgɔŋ Yesɔ atei rɛ gbar shu ne lilɛn lu bǝn abɛ shar amaa abaŋ ndi ayi ne mgbyamgbyaŋ, 8 nǝ lǝlɛn kǝ lu, tǝ abɛ sak abǝ kyak Arik iya bǝn abaŋ ndi akyak zǝ lɛ didik kǝ men nɛtu Ŋgɔŋ amɔr Yesɔ. 9 A tei yik iya yi sak iya yaŋ klɛ tu, ne yar ba ne angus akɛ Ŋgɔŋ Arik bǝn mgbyamgbyaŋ kɛ klik maa 10 ne mkpaŋ kɛ ŋur kam nyak nǝ ngɔŋ maa abɛ tsetser amaa atei nǝgu ŋgɔŋ tǝ bɛ yi ki vuŋ anu yi aneshir bɔbɔk ndi ne ta lɛ maa. Iyiŋɛ ne vuŋ, izhin aba abɛ tanyɛmɛ ne lɛ maa.

11 Nǝ nkan kiki yiŋɛ, ta zen ben zhin Arik, te Arik amɔr abɛ duŋ zhin bɛ mla abɛ zhɔ, abɛ nǝk zhin ki didik yiŋ ndi zhin wɔ bǝ ne asusun amin, abɛ na nǝk zhin idǝk min kɛ nǝk atu amin ne mgbyamgbyaŋ maa. 12 Ta ben te sak kɛ Ŋgɔŋ amɔr Yesɔ bǝ yi ngɔŋ ne atu amin, izhin ne min maa, ire ki didik yi Arik amɔr bǝn Ŋgɔŋ Yesɔ Kristi.