1 Ne tu ayi kam nyak yi ngɔŋ amɔr Yesɔ Kristi bǝn biŋ sɔŋ mɔr tǝ tabǝ yi bǝnebɔu: Mǝ mben zhin akpa amuŋ, 2 kǝr zhin bǝ duŋ cok nǝ lǝle yi tɔ min ba ka abǝ di tǝ Ibɛr yi Ŋgɔŋ nǝka nyɛ. Aka yik tedi ta bla mɛ nǝ zǝn bla tɔ ti, kɔ nǝ du lɛ maa, kɔ ta bǝ cɛr kǝ nǝ mple. 3 Kǝr zhin bǝ duŋ nuŋ alɔm zhin nǝ kɔte ankɔŋ anuŋ ba, te bɛr yiŋɛ ba tei nyɛ ba se inǝ fa nzaga atei gli ner nǝ fa nzaga agli arumɔ, ndi ne nau anyak nǝ gar lu. 4 Atei kyak kɔnǝ zhɔ tǝ arik kai iki yi yaŋ vlǝ ndi a zɔ kurǝ tǝ bena zhɔk tumaa nɛ atu men bɔbɔk. Atei na yir miŋ ate zɛsɔŋ nɛ akabaŋkɔŋ ayou Arik tɛ di wa abe yi Arik.

5 Ba zhin ne shu zhi ndi mne yi bǝn abɛ zhin mne bǝn bla zhin kiki yiŋɛ kai? 6 Fe azizaŋa izhin nǝ zhi iki yiŋ ndi vuŋu nyak, te duŋu abɛ gliu arumɔ ne mkpaŋ maa. 7 Fena iklik yi yaŋ zhi iyi fa nzak izǝn na ndum; ankyak waŋ ndi ne vuŋu atse nyaga atei zǝn na mɛ raraŋ mla ne mkpaŋ kɛ baŋu gli tibɛ. 8 Ankyak inǝ fa nzaga atei gliu arumɔ, iwaŋ ndi Ŋgɔŋ Yesɔ a tei turu atyak azhɔk ne ŋguŋgu kɛ vli kɛ anu amaa te ŋunu ne mgbyamgbyaŋ kɛ nyɛ maa. 9 Ine fa nzaga atai nyɛ nǝ mgbyamgbyaŋ kɛ ndum shetan te zǝn na kiki yi vuŋ anu bǝn ten bǝn ti mu, 10 bǝn kuŋkɔŋ mimin te zǝn kpur abaŋ ndi azǝn dɔ. Atei dɔ tǝ na kyak ta tǝna nyɛr zub tǝ be ka li aru. 11 nǝ yiŋɛ Arik ne shar ba ne ki ŋgɔŋgɔŋ iyi lɔm ba te duŋ ba abɛ tanyɛmɛ nǝ mu. 12 Tǝ iklɛ tumɔ iyi tǝ bɔbɔk abaŋ ndi bane tanyɛmɛ nǝ zub, ama tɛ kama wɔ men kǝ ki mimin, atei tǝ ba ambuk.

13 Ta tei nyɛr Arik iyaŋ mkpaŋ ne atu min, akpa, izhinɛbaŋ ndi Ŋgɔŋ anyɛr zhin. Tǝ Arik nɛ hria zhin ndi abǝ kuti nǝ ta zhɔk nǝ mgbyamgbyaŋ kǝ Izhu tsetser tǝ be duŋ zhin yi anɛr tsetser bǝn tanyɛmɛ nǝ zub. 14 Arik ne zhɔ zhin ne lɛ didik kǝ men ta du zhin nekǝ; nɛ zhɔzhin tǝ izhin bǝ yi nǝ ntǝk ngɔŋ min kǝ Ŋgɔŋ Yesɔ Kristi amɔr. 15 Ne me, akpa amɔr, izhin bǝ klɛ mgbamgbaŋ te na gli tsar yiŋ ndi ta ne tsar zhin neyi, kɔ ba te cɛr zhin ane yi ba.

16 Mben te Ŋgɔŋ amɔr Yesɔ Kristi ne tu maa bǝn Arik Tetɛɛ amɔr, waŋ ndi a nyɛr ta bǝn ita zhɔk maa nɛ duŋ ta yi mgbamgbaŋ iyaŋ klɛ bǝn zhɔk susun didik, 17 nǝk zhin akpa asusun amin bǝn klik min ne kɔte ki didik ta yi bǝn lɛ didik.