Colossenses 1

Yesɔ bǝn ndum maa

15 Kristi uwa ayi kpa kɛ Arik ane yaŋ yik. Iwa ayi ivǝn mla, ne kuti ayime te she na ikiki bɔbɔk. 16 Tǝ ne atu amaa Arik nena ikiki bɔbɔk ne gbarshu bǝn gɔŋmimi, ikiki yiŋ ndi ayige bǝn iyiŋ ndi ba yige ba, bǝn mgbyamgbyaŋ kɛ izhu, angɔŋgɔŋ abɛ gli aneshir, bǝn mgbyamgbyaŋ ngɔŋ. Arik nena gɔŋ abɛm bɔbɔk ire bǝn abɔu tena yi maa. 17 Kristi ne mǝne ayime te ikiki bɔbɔk ne zhi yime, ne atu amaa ikiki bɔbɔk neyi anenen. 18 Iwa ayi tu kɛ kpa kǝŋe, watɔ abǝ zǝ Kristi; wa ayi tiŋ kɛ ivli kɛ kpa kǝŋe. Iwa ai ivǝn mla, ndi ne lǝgu nǝ bɛ, te wa abɛ yi ngɔŋ ne ikiki bɔbɔk iwa ayi ne kuti. 19 Fe ne tanyɛmɛ yi Arik ivǝne bǝ baŋ kpa kɛ Arik. 20 Nǝ atu ayi ivǝne, fe, Arik ne tanyɛmɛ te gli gɔŋmimi bɔbɔk agle anyak tu maa. Arik ne gli isik susun anyɛ me ne atu ayi azhizhi ayi Izu maa ne kpɔk kuŋkun kɛ gen te gli ikiki bɔbɔk ne gɔŋmimi bǝn gbarshu.