Filipenses 2

Ilaŋ ndi lu kɛ laŋ ne gɔŋmimi.

12 Fena, akpa amuŋ, ir keŋ ndi izhin zǝ lɛ muŋ ndi mnǝ yi bǝn abɛzhin, itǝ rɛ izhin bɛ zǝ lɛ muŋ inaŋ ndi bam yi bǝn abɛzhin ba. Izhin bǝ na ndum kǝ tazhin zhɔk ne zitu zhɔk tǝ na hria zhin ayi, 13 te Arik azǝn na ndum ben abɛ zhin te izhin bɛ nek tu tena zi ilɛ maa.

14 Izhin bɛ na kɔte nii ne yaŋ lɛ ne susun kɔ mumur, 15 te izhin bɛ yi tsetser te kǝr abɛ na nab zhin nŋɔk ba ndi amumun abɛ arik ndi ne shaga, ndi ayi ne gɔŋmimi kɛ cɔkla tena na zumimin. Izhin bǝ duŋ ilu min laŋ ne miŋ men ndi cinces ilaŋ ne gbarshu, 16 te gli zhin lɛ kǝ nǝk vli gbamgbaŋ. Izhin tǝ na amɛ, M tei yi nǝ iki yi ŋur asa bǝn abǝ zhin ne bɛr nyɛ Kristi, te tsar tedi inǝk tu bǝn na ndum muŋ ba yi sha ba.