1 Ndi ase wur anenas ne gayir mne yuŋ gar Urshelima, ne mkpaŋ kǝŋe tane yi bǝn Barnaba. Tena gli Titus maayi. 2 Mnǝ zǝ lɛ kɛ rimla tǝ mblaa ba lɛ didik keŋ ndi mnǝ du kǝ nǝ miŋ kɛ abaŋ ndi ba yi ŋli kǝ Yahudawa ba. Neme mnǝ na kǝ kuŋkum bǝn abaŋ ndi ayi angɔŋgɔŋ, ne te sǝsǝk te kǝr ndum kɛ na muŋ bǝ yi sha ba. 3 Inǝ tsǝn amuŋ Titus, iwa maayi ayi awǝnǝ Helenawa, banɛ kɔgu zǝk nǝ mgbyamgbyaŋ ba, 4 ndi ame anuŋ nɛ wɔb te aba abɛ duŋǝ iyemɛ. Ana nyak tɛ aba yi abǝ zǝ Arik, aner abaŋa afir ayir miŋ mɔr tǝ abe tɔ kiyi na mɔr, tɛ awɔb ka abai yik izukzhɔk iyn ndi ta yime neyi nǝ min kǝ Kristi Yesɔ. Awɔb tǝ ta bǝ yi agɛn, 5 fe ate di bɛ nyak izub yi lɛ didik bɛ yi min, bata nǝk ba atu amɔr ba kɔ watsɔb.

6 Ate yi ndi anuŋ ayik tedi aba yi adidik kɔka aba aye nii ayi ki zhin bene bɛm; Arik ba te ambuk ne ki ye abɛm ba, aneshir ayuŋɔ bane sak kinuŋ ne lɛ kɛ bla muŋ ba. 7 Ndi ne yeme, ne yik te Arik ne nǝm ndum kɛ du lɛ didik ben abaŋ ndi bai ŋli Yahudawa ba. Ir keŋ ndi Biturus ne yime ben Yahudawa. 8 Fe nǝ mgbyamgbyaŋ kɛ Arik nɛ duŋ mǝ Mbǝ yi nǝ du lɛ kɛ Arik nɛ abaŋ ndi ba yi ŋli kǝ Yahudawa ba, ndi nɛ na duŋ Biturus abɛ yi nǝ du lɛ kɛ Arik bǝn Yahudawa. 9 Yakubu, Biturus bǝn Yɔɔna, aba neyi tanda, anem ben Barnaba ŋɔk didik kɛ bine ndi neyik didik keŋ ndi ne neme kɛ. Ne ta nyɛmɛ te tabǝ gar bǝn abaŋ ndi ba yi ŋli kǝ Yahudawa ba, te aba bɛ gar ben Yahudawa. 10 Iki ndi awɔbǝ kǝr ta bǝ ŋursuk ben abɛ yik ya ba, waŋ ai ki yiŋ ndi mne shur ayi tem nai.

11 Ndi Biturus ne nyɛ Antakiya, mne vǝu ne ti maa, te ki na maa ba rɛ ba. 12 Kamin aneshir anuŋ abɛ nyɛ are bǝn Yakubu, nɛ zǝn li kili bǝn abaŋ ndi ba yi ŋli kǝ Yahudawa ba. Fe ndi ne nyɛ, ne kama ru gɔgɔŋ te tun tu maa aglɛ rumɔ bǝn abaŋ ndi ba yi Yahudawa ba te ate sǝsǝk abaŋ ndi ayi ne nga abɛ kɔk zǝk. 13 Anǝ Yahudawa anuŋ abǝ zǝ Arik imɛnyi akɔ na ndi abǝ klu sǝsǝk tǝ vuŋ Biturus; bǝn Barnaba nǝ kamgli tɛ zǝ ba adur.

14 Ndi Mnǝ yik ba tsǝn nɛ ankɔŋ adidik anǝ zub yi lɛ didik kɛ Arik ba, mne bla Biturus ne ti mǝnɛ bɔbɔk, <<Uyi awɔnǝ Yahudawa, ne me u na ndi bɔu yi iŋli kǝ Yahudawa ba. Tǝ iye anii, fe, te u shɔk abaŋ ndi bai ŋli kɛ Yahudawa ba te bɛ zǝ kiki yi na Yahudawai?

15 Iyeme, taba abaŋ ndi ta yi Yahudawa nǝ ŋli ba aye <<abaŋ ndi ba yi ŋli kǝ Yahudawa ba abǝ lalɛ>>ndi azhɔ bama. 16 Nǝ yiŋɛ tanǝ zhi tǝ neshir azhɔgu nɛ ankɔŋ adidik bǝn Arik ankya nǝ tanyɛmɛ bǝn Yesɔ Kristi, kzhin bɛ zhi te neshir ba alieru ne zǝ nkanlɛ iyi cɛr Musa ba.Taba, mɔr yi, nǝ tanyɛmɛ bǝn Yesɔ Kristi. Fe taba, imɔr yime, nǝ tanyɛmɛ bǝn Kristi Yesɔ tǝ tabǝ yi adidik bǝn Arik nǝ tanyɛmɛ bǝn Kristi, ba nǝ zǝ icɛr yi Musa ba, tǝ ishur ayi nǝ cɛr yi Musa ba.

17 Fe, nǝ yiŋe, ndi ta wɔb tǝ abe zhɔk ta nɛ ankɔŋ adidik bǝn Arik nǝ biŋ mɔr nǝ min kɛ Kristi, nɛ yikta yi abǝ lalɛ, ir keŋ ndi abaŋ ndi ba yi ŋli kǝ Yahudawa ba ayimɛ tǝ ai yi duŋ Kristi ana ndum kǝ gɛn nɛ atu yi lalɛi? Ba ye me ba! 18 Te yi ndi mne kam mɛ iki yiŋ ndi mne zǝre, mne tsar tu muŋ tǝ myi ne yaŋ zǝ icɛr yi Musa tem zǝ Arik. 19 Fena ndi nkan lɛ nǝ cɛr yi Musa tu maa, ankyak, M nǝ nku, iŋun nǝ min kǝ cɛr yi Musa nǝ tu maa, tǝ mbǝ yi tsitsir bǝn Arik. M nǝ ru iku bǝn Kristi nǝ tu kuŋkun kǝ gen, 20 tǝ ba yi ngawa yi tsitsir ba, ama ayi Kristi wa yi tsitsir nǝ min muŋ. Ivli kǝŋe ndi M yimɛ nɛ kǝ azǝzaŋa, M yi tsitsir nǝ tanyɛmɛ bǝn Izu Arik, iwaŋ ndi nɛ nyer mǝ tɛ nǝm ivli maa nɛ atu amuŋ. 21 Bam nǝ mbaŋ ina didik yɛ Arik nyak ne kɔnsa ba, atei ndi itsin tsetser ayik kɛ ne cɛr yi Musa, Iku kɛ Kristi iyi sha!>>