1 Kǝr anuŋ ne miŋ min abɛ di aba atei yi abɛ tsar ba, amunya, te izhin ne zhi taba ndi tsara atei tǝ ta ŋas ŋgɔŋ. 2 Bɔbɔk mɔrɔ ta tar aza ne ŋkuŋkɔŋ tetɛk. Ate yi ndi inuŋ bane lalɛ ne lɛkǝ lɛ maa ba, inere ne shaga, ne gli kpa maa anenen. 3 Ate yi ndi tate kpa ane ŋa ata bǝrbǝr nenu te duŋ ba azǝ ta,ta tei kam ŋama. 4 kɔ tabǝ tɔ igu ŋgɔŋ. Ta ne zhi te imwe ŋgɔŋ te ŋguŋgu ŋgɔŋ fuk kɛ, ampǝm agli kɛ te gar amkpa waŋ ndi iner ne dene ate kam kɛ igara. 5 Iyeme ne lǝlɛn iyi gab kpa yi neshir, ama iŋur asa ŋgɔŋ. Tɔ zhin ndi agɔŋ ituk ŋgɔŋ ne ŋkliŋkla lu. 6 Neme, Ilǝlɛn neyi maa ai lu, iyi goŋ mimi kɛ ki mimin ne min kɛ gab kpa kɛ neshir. Icɔk ner la, iduŋ tsǝn kɛ neshir akɔte yir lu, ilǝlɛn tu maa itei goŋ ne kɔb lu.

7 Inarum nkaŋkaŋ,aŋliŋlɔ,inarum abɛ gbur ne mimi ben iyi kur ne amashir nek ŋgɔŋ neshir ai ten ba vu, 8 ama neshir bai vuŋ lǝlɛn ayir ba. Iyi ndi itus, lǝlɛne igli lǝlɛ mimin tetɛk rumɔ.

9 Nǝ lǝlɛne ta gbar Ŋgɔŋ amɔr ben Tetɛɛ sak, ana yikɛ ta te aner anumɔ, abaŋ ndi Arik ne naa ba ndi iri maa. 10 Aye anu azhin akǝŋɛ agbar tena tenu ne kǝme. Amunya, iyiŋɛ bane te ba. 11 Ka amashir ane men ben ane mmaŋ ai gbub nǝ ngyak tuk zhin ǝ? 12 Amunya, itiŋ bwab igli dɔ zetun rumɔi, ka idɔ aŋlɔŋ igli dɔ kpanduŋ rumɔ ni?

13 Ŋɔwa ne miŋ mine ayi Mgbemgbeb tena yi ne zhi ki? Duŋɔ abɛ tsar izhi maa te na ki didik ne tsǝn maa, izitu maa ire Mgbemgbeb. 14 Fena izhin te duŋ ilɛ mgbamgbar ben ankiŋki ben nyer tu iyi ne asusun amin, duŋ ŋur asa ma neyi ba kɔ ka ubǝ kyak ilɛ didik ba. 15 Ir kǝŋe <<Mgbemgbeb>> ba nyɛ rɛ shu ba iyi kɛ goŋ mimi, bai kɛ izhu tsetser ba, ai kɛ ishetan. 16 Ndi izhin te yine ankiŋki tena yi abɛ nyɛr atu amin ankyak, amɔ wa izhin tei yik isɔŋ kɛ yaŋ rɛ tena wɔb na ki mimin. 17 Fena Mgbemgbeb keŋ ndi ire shu iyi tsetser; fe isik kɛ ta nyɛmɛ, iyik didik, inǝk tu, iwɔ lɔ susun ŋgɔŋ ben na kiki yi ire tɔ, iduŋ nyɛr tu te bla zub. 18 Abɛ wɔb sɔŋ kɛ sik abaŋ ndi atib sɔŋ kɛ sik te sɛr ki didik.