1 Titus ubǝ shuzhi abɛ zǝ Arik te di,abɛ nek ŋgɔŋ ne atu abaŋ ndi agli ba ne goŋmimi. Abɛ zǝ lɛ mǝne tena na kiki iyi rɛ, 2 kǝr abɛ di aba atei bla nkan lɛ nuŋ mimin ne atu ayi nuŋ ba, ndi amɛ abɛ wɔb isɔŋ kɛ sik ne akpa, abɛ na tsǝn bwe te nek kɔte ŋɔ ŋgɔŋ maa. 3 Titus ubǝ bla abɛ zi Yesɔ ndi ayi ben abɔu, ta nǝ ber zaŋ ndi abliblik aner; ba tane tɔ nuŋ shak ayi ba; te lɔm aneshir; te yi agɛn ne kiki mimin tena kyak akpa ayi; aner akyak ta taba na kyak ba mɔr yime. 4 Fe ndi Arik waŋ ndi ne ta ta zhɔk atsar ta iki didik ben ta nyɛmɛ maa ne atu amɔr, 5 Yesɔ ne ta ta zhɔk, ba tane na ki didik iyi te duŋu nena amɛ ba, ama Arik ne wɔ lɔ susun mɔr. Ne zuk ta zhɔk ne atu ayi lalɛ mɔr ne ku kɛ Yesɔ ndi ne su ta, te duŋ Izhu Tsetser sɔŋ bene bɛta, 6 Arik ne nǝk ta Izhu tsetser isha ne aŋɔk ayi Yesɔ Kristi ine ta ta zhɔk. 7 Ndi ina didik iyi Kristi ne duŋ ta yi atsetser ne ti kɛ Arik, ta ne ka yi aneshir abaŋ ndi aŋub ivli keŋ ndi ba yi ne klɛ tu ba, ta ne ta nyɛmɛ te di,ta tei yik kɛ. 8 Ilɛ keŋ ndi mbla kǝme ai lɛ kɛ ta nyɛmɛ. Ne me Mbla te izhin bǝ tɔ kiki yiŋɛ,te duŋ abaŋ ndi ne ata nyɛmɛ ben Arik abɛ tsǝ aklɛ te nek atu amen 9 Kǝr ubǝ di utei sak anu ne lɛ ndi ba zǝ ankɔŋ adidik ba: ben ilɛ kɛŋ ndi ne di ŋɔ ne ŋli ŋɔwa, tena te antam netu aye ambuk ba, te ba Gli ki didik rumɔ ba, se ki sha. 10 Iner waŋ ndi ndum maa iyi kɛ te antam, ndi abla ŋli te akyak wɔ lɛ mi kɛ kuti ben kɛ yaa, ne te ndi ubǝ duŋu ankɔŋ ane zǝ amaa. 11 Iwa ubǝ zhi te ner waŋa neka dur, ayi ne la lɛ, iwa ma yi ne zhi te wa ne dur.

12 Ndi amɛ M tei shar Atimas kɔ Tikikus bene bɛu, ubǝ na ki ndi unai te kɔmɔ te yik me ne Nikafoli te mne men ndi ikus itei vuŋ me amɔ. 13 Ubǝ wɔb ankɔŋ ndi utei zok Zinas, bǝn Apolɔ, abɛ vuŋ ankɔŋ, te ubǝ nazhi te kǝr iki nuŋ bǝ klu ba aŋin ba. 14 Neme aner amɔr imenyi, abɛ wɔb te aba abɛ na kiki didik te bɛ zok aner abaŋ ndi ne klu aŋin te wɔb te bɛ nek ba ikinuŋ,ndi ana amɛ kǝr abɛ sɔŋ aŋɔk akluklu ba. 15 Bɔbɔk abaŋ ndi ta yi ndɔ atǝk zhin. Ubǝ ka tek ta akpa amɔr, ne miŋ kɛ ta nyɛmɛ ne lɛ kɛ Arik. Isɔŋ didik bǝ yi ne atu amin bɔbɔk.