10 eye wòkpɔ ame aɖe si tsitsi lé asi na la le afi ma. Farisitɔ siwo nɔ afi ma la biae enumake be, "Ele se la nu be woada gbe le ame ŋu le Dzudzɔgbe ŋkeke la dzia?" Wonɔ mɔ kpɔm be aɖo eŋu be "Ɛ̃," ne yewoatsɔ nya ɖe eŋu.
11 Ke Yesu ɖo eŋu na wo be, "Nenye be wò alẽ ge ɖe vudo me le Dzudzɔgbe ŋkeke dzi ɖe, màɖee le eme oa? Àɖee le eme godoo! 12 Ke ɖe amegbetɔ ƒe agbe mele vevie wu alẽ tɔ oa? Eya ta ele se nu vavã be woawɔ dɔ nyui le Dzudzɔgbe ŋkekea dzi."
13 Azɔ egblɔ na ame si tsitsi lé asi na la be, "Dzɔ wò asi," eye esi wòdzɔe la, eƒe asi gaɖɔ ɖo abe evelia ene.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)