Mateus 9

Yesu da gbe le ŋkuagbãtɔ eve aɖewo ŋu

27 Esime Yesu do go le aƒea me yina la, ŋkuagbãtɔ eve kplɔe ɖo henɔ ɣli dom be, "O, Fia David ƒe Vi, kpɔ nublanui na mí."

28 Wokplɔe ɖo yi aƒe si me wòge ɖo la. Tete Yesu trɔ ɖe wo ŋu bia wo be, "Miexɔe se be mate ŋu aʋu ŋku na mia?"

Woɖo eŋu nɛ be, "Ɛ̃, Aƒetɔ."

29 Ale Yesu ka asi woƒe ŋkuwo ŋu hegblɔ be, "Ava eme na mi abe ale si miexɔe se ene."

30 Enumake woƒe ŋkuwo ʋu, eye wode asi nukpɔkpɔ me nyuie. Yesu de se na wo vevie bena, womegagblɔ nu si yewɔ na wo la na ame aɖeke o. 31 Ke ameawo mewɔ ɖe Yesu ƒe didi dzi o; esi wodo ɖe ablɔ dzi ko la, wokaka nu si wòwɔ na wo la, eye eƒe ŋkɔ ɖi hoo le nuto blibo la me.