Provérbios 2

Agbe nyui nɔnɔ si doa go tso nunya me ƒe viɖe

1 Vinye, ne èxɔ nye nyawo

eye nèdzra nye sededewo ɖo ɖe mewò,

2 ne ètrɔ to ɖe nunya ŋu

hetsɔ wò dzi na gɔmesese,

3 ne èyɔ sidzedze

eye nèdo ɣli na gɔmesese,

4 ne èdii abe klosalo

alo kesinɔnu si woɣla ene la,

5 ekema àse Yehowavɔvɔ̃ gɔme

eye àke ɖe Mawu nyanya ŋu

6 elabena Yehowae naa nunya,

eye sidzedze kple gɔmesese doa go tso eƒe nu me.