7 Puspusan akong nakipaglaban sa paligsahan. Natapos ko ang dapat kong takbuhin. Nanatili akong tapat sa pananampalataya. 8 At ngayon, may inilaan ang Diyos sa akin na korona ng katuwiran.*4:8 korona ng katuwiran: Ang ibig sabihin ay "may gantimpalang ibibigay sa kanya ang Diyos dahil sa matuwid niyang pamumuhay." Ibibigay ito sa akin ng makatarungang Panginoon sa araw ng paghuhukom niya. At hindi lang ako ang bibigyan, kundi maging ang lahat ng nananabik sa pagbabalik niya.