Ol man blong jos oli seraot
10 Ol brata mo sista. Long nem blong Jisas Kraes* ya, Masta blong yumi, mi mi talem strong long yufala, se mi wantem tingting blong yufala i mas kam wan nomo. Bambae yufala i no moa seraot long ol naranarafala grup. Yufala i mas joen gud we yufala i gat wan tingting nomo, mo we fasin blong yufala i wan nomo.
11 Ol brata mo sista. Ol famle blong Kloe oli talemaot nius long mi finis, mo i klia gud we yufala nomo i stap rao wetem yufala. 12 1.12: Wok 18.24Mi mi stap tingbaot ol tok ya we yufala i stap talem. Sam long yufala i stap talem se, "Mifala i blong Pol," mo sam long yufala i stap talem se, "Mifala i blong Apolos." Mo sam narafala i stap talem se, "Mifala i blong Pita," mo sam narafala bakegen i stap talem se, "Mifala i blong Kraes." 13 ?Weswe? ?Yufala i ting se yufala i save brebrekem Kraes olsem? ?Yufala i ting se mi Pol, mi ded long kros blong sevem yufala? !Yufala i no baptaes long nem blong mi blong kam man blong mi! !Nogat!