1 Ol brata mo sista. Bifo, taem mi kam luk yufala, mi kam blong talemaot plan ya blong God we fastaem i blong haed.2.1: Long seken haf blong vas ya, sam olfala kopi blong Niutesteman long lanwis blong ol man Gris bifo i talem olsem. Bifo, taem mi kam luk yufala, mi kam blong talemaot ol tok ya we God i witnes long hem, se i tru. Be mi no kam blong talemaot long ol flas tok mo long ol waestok blong man, nogat. 2 Taem mi stap wetem yufala, mi putum tingting blong mi i stap strong long wan samting nomo. Mi stap tokbaot Jisas Kraes* nomo, mo antap moa, mi stap talemaot we hem i ded long kros. 3 2.3: Wok 18.9Mo long taem ya we mi kam luk yufala, mi mi no gat paoa nating. Oltaem mi stap fraet we mi stap seksek from. 4 Mo taem mi prij long yufala, mi talem ol tok blong mi, be mi no yusum waes blong man, blong pulum yufala. Tok blong mi i blong soemaot paoa blong Tabu Spirit nomo, 5 blong bambae stamba blong bilif blong yufala i no stanap long waes blong man, i stanap long paoa blong God nomo.
Publicidade