2 Coríntios 2

Yufala i mas fogivim man ya we i mekem i no stret

5 Nao long man ya we yufala i tokbaot, we i mekem tingting blong sam man i kam nogud, hem i no mekem long mi, i mekem long yufala nomo. Mi no wantem tok blong mi i jajem hem tumas, be hem i mekem lelebet trabol long yufala evriwan, mo long sam long yufala, hem i mekem i moa. 6 Be panis ya we bighaf blong yufala i givim long man ya finis, hemia i naf ya. 7 Naoia i gud yufala i fogivim hem, yufala i leftemap tingting blong hem bakegen. Sipos no, bambae hem i harem nogud tumas, nao bambae tingting blong hem i foldaon olgeta. 8 Mi mi talem long yufala, se plis yufala i go mekem hem i save we yufala i lavem hem.