God i laef, i stap we i stap, mo yumi olsem haos blong hem
14 Bambae yufala i no go joen wetem ol man we oli no Kristin, blong mekem wan wok, olsem we man i putum yok* long tufala buluk blong mekem tufala i wok wanples. Fasin ya i no save wok. Stret fasin mo rabis fasin, tufala i no save joen nating, mo delaet mo tudak, tufala i no save stap wanples. 15 Mo long sem fasin, Kraes* mo Setan*, tufala i no save agri samtaem. Man we i bilif mo man we i no bilif, tufala i no save joen long wan tingting. 16 6.16 a: 1 Kor 3.16; 6.19; b: Lev 26.12; Esik 37.27Mo haos blong God i no save gat ples blong ol narafala god insaed long hem. God i laef, i stap we i stap, mo yumi olsem haos blong hem. Hem i talem se,
"Bambae mi mi mekem ples blong mi
wetem yufala,
bambae mi mi stap oltaem
long medel blong yufala.
Mi bambae mi God blong yufala,
mo yufala bambae i man blong mi."
17 6.17: Aes 52.11 Mo bakegen, hem i talem se,
"From samting ya,
yufala i mas gowe long olgeta,
yufala i mas stap yufala nomo,
mo olgeta oli mas stap olgeta nomo.
Yufala i no save tajem
ol samting ya we oli no klin
long fes blong mi,
nao bambae mi mi glad blong tekem yufala.