REVELESEN 6

5 ✝ 6.5: Sek 6.2,6 Nao Smol Sipsip ya i brekemaot namba tri gris ya blong kandel we i stap holemtaet buk ya, mo mi harem namba tri jerubim i talem se, "Yu kam." Nao mi luk wan blak hos i kamtru, mo man we i stap sidaon long hem, hem i holem wan skel long han blong hem. 6 Nao mi harem wan tok we i stap kamaot long medel blong ol fo jerubim ya i talem se, "Bred blong wan dei, praes blong hem wan taosen vatu*. Mo raes blong tri dei, praes blong hem wan taosen vatu. Be yu livim praes blong oel blong kuk mo waen, tufala i stap olsem nomo."