Atos 16

Timoti i biaen long Pol mo Saelas

1 Nao Pol i wokbaot bakegen, i go long Debe mo Listra. Nao long ples ya, i gat wan man blong Jisas, we nem blong hem Timoti. Mama blong hem i wan laen* blong Isrel*, we hem tu i bilif long Jisas, be papa blong hem i wan man Gris. 3 Nao Pol i wantem tekem Timoti i go wetem hem, nao hem i mekem sakomsaes* long hem. Hem i mekem olsem blong i no mekem trabol long ol laen blong Isrel long ol ples ya, from we oli save we papa blong Timoti i wan man Gris.