Laef blong Pol i joen long laef blong Kraes nomo
12 Ol brata mo sista. Mi mi wantem blong yufala i save we ol samting ya we oli kam kasem mi, oli stap givhan long wok blong gud nius blong Kraes. 13 1.13: Wok 28.30Nao from ol samting ya, olgeta soldia we oli stap gad long haos blong Sisa*, mo ol narafala man tu long ples ya, oli save finis we mi mi stap long kalabus, from we mi mi man blong wok blong Kraes. 14 Mo from we mi stap long kalabus, bighaf blong ol brata blong yumi oli stap bilif strong moa long Masta* blong yumi. Naoia olgeta oli no moa fraet, mo oltaem oli stap mekem tingting blong olgeta i strong moa blong talemaot tok ya blong God.1.14: Long las haf blong vas ya sam olfala kopi blong Niutesteman long lanwis blong ol man Gris bifo i talem olsem. Naoia olgeta oli no moa fraet, mo oltaem oli stap mekem tingting blong olgeta i strong moa blong talemaot tok ya.