Ol man blong God bambae oli gat spel
7 3.7: Sam 95.7-11 From samting ya, bambae i mas olsem we Tabu Spirit i talem long Baebol* se,
"Tede,
sipos yufala i harem tok blong God,
8 bambae yufala i no moa mekem stronghed,
olsem we ol bubu blong yufala bifo
oli mekem long taem ya,
we oli girap, oli agensem hem, nao oli traem hem long draeples."
12 Ol brata mo sista. Yufala i mas lukaot gud blong bambae i no gat wan long yufala we tingting blong hem i kam fulap long ol fasin nogud, nao hem i no save bilif long God ya we i laef, i stap we i stap, nao man ya bambae i girap, i gowe long hem. 13 Be taem we tok ya "tede" i stap yet, i gud yufala i mas toktok long yufala blong leftemap tingting blong yufala evri dei. Sipos yufala i mekem olsem, sin bambae i no save pulum wan long yufala blong mekem hem i kam stronghed. 15 3.15: Sam 95.7,8Tok blong Baebol i talem olsem se,
"Tede,
sipos yufala i harem tok blong God,
bambae yufala i no moa mekem stronghed,
olsem we ol bubu blong yufala bifo oli mekem,
we oli girap, oli agensem hem."