JON 14

13 Mi mi Pikinini blong hem, mo sipos yufala i askem samting long nem blong mi, nomata wanem samting, be bambae mi mi mekem, blong ol wok ya blong mi i save leftemap nem blong Papa blong mi. 14 Nao sipos yufala i askem samting long mi long nem blong mi, bambae mi mi save mekem.*14.14: Sam olfala kopi blong Niutesteman long lanwis blong ol man Gris bifo oli talem olsem. Nao sipos yufala i askem samting long nem blong mi, bambae mi mi save mekem."

Jisas i promes se bambae Tabu Spirit i kam

15 Mo Jisas i gohed, i talem se, "Sipos yufala i lavem mi, bambae yufala i save obei long ol tok blong mi. 16 Nao bambae mi mi askem long Papa blong mi, mo hem bambae i givim wan narafala Man blong Givhan long yufala, blong hem i save stap oltaem wetem yufala.