JON 20

Ol man blong Jisas oli luk hem

19 Nao long sem dei ya, long fas dei blong wik, long sapa, ol man blong Jisas oli stap wanples, insaed long wan haos. Mo oli lokem doa, from we oli fraet long ol lida blong ol laen blong Isrel*. Nao Jisas i kam stanap long medel blong olgeta, i talem long olgeta se, "Pis i stap wetem yufala." 20 Nao hem i soemaot han blong hem mo saed blong hem long olgeta. Mo olgeta oli glad tumas, from we oli luk Masta* blong olgeta. 21 Nao Jisas i talem long olgeta bakegen se, "Pis i stap wetem yufala. Olsem we Papa blong mi i sanem mi mi kam, oraet, long sem fasin, mi mi sanem yufala i go." 22 Nao taem hem i talem tok ya finis, hem i bloem win blong hem i go long olgeta, i talem se, "Yufala i kasem Tabu Spirit. 23 ✝20.23: Mat 16.19; 18.18Sipos yufala i fogivim man from sin blong hem, God i fogivim hem, i tekemaot sin blong hem. Be sipos yufala i no fogivim man from sin blong hem, God i no fogivim hem, i no tekemaot sin blong hem."