Marcos 10

4 ✝ 10.4: Dut 24.1-4; Mat 5.31 Oli talem se, "Moses i bin letem long mifala se man i save raetem pepa blong divos blong givim long woman blong hem blong mekem divos long hem."

5 Nao Jisas i talem long olgeta se, "Moses i bin raetem loa ya blong yufala, from we hed blong yufala i strong tumas. 6 ✝10.6: Jen 1.27; 5.2Be fastaem, taem we God i mekem wol, Baebol i talem se, ‘God i mekem tufala man, wan we i man wetem wan we i woman. 7 ✝10.7: Jen 2.24From samting ya, bambae man i mas aot long papa mo mama blong hem, i mas go joen wetem woman blong hem. 8 Nao tufala bambae i kam olsem wan bodi nomo.’ From samting ya, tufala i no moa tu, tufala i olsem wan bodi nomo. 9 Mo from we God i joenem tufala olsem, man i no mas brekem mared blong tufala."