Marcos 11

Wan figtri we i no karem frut

12 Long nekis dei, taem olgeta oli aot long Betani blong kambak long Jerusalem* bakegen, Jisas i hanggri. 13 Nao hem i luk wan figtri* i stap longwe we i gat plante lif blong hem. Ale, hem i wokbaot i go blong traem faenem sam frut blong hem. Be taem hem i kam klosap long hem, hem i luk we i gat ol lif nomo, from we i no stret taem blong tri ya i karem frut. 14 Nao Jisas i tok long figtri ya, i talem se, "Bambae man i no moa save kakae frut blong yu bakegen samtaem."

Mo ol man blong hem oli harem tok ya blong hem.