MAK 15

Josef i berem Jisas

42 Long dei ya, hem i dei blong mekemrere ol samting, from we tumora blong hem i Sabat* dei. Nao klosap san i godaon, 43 Josef, wan man Aramatia i kamtru. Hem i wan memba blong Kaonsel* blong olgeta, we ol man oli stap ona long hem. Mo hem i wan man tu we i stap wet blong luk we God i kam King* blong ol man blong hem. Nao nating we hem i fraet, be hem i girap, i go luk Paelat*, i askem long hem blong i letem hem i tekem bodi blong Jisas.