15 Lapho lichaya izandla zenu likhuleka,
ngizalifihlela amehlo ami;
loba selikhuleka imikhuleko eminengi,
angiyikulalela.
Izandla zenu zigcwele igazi!
16 Gezani libe ngabahlambulukileyo.
Susani izenzo zenu ezimbi phambi kobuso bami;
yekelani ukwenza okubi.
17 Fundani ukwenza okulungileyo; funani ukwahlulela okuhle.
Khuthazani abancindezelweyo.
Vikelani izintandane;
lamulelani umfelokazi.
18 Wozani, siqondisane sindawonye,"
kutsho uThixo.
"Lanxa izono zenu zibomvu gebhu,
zizakuba mhlophe njengonqwaqwane,
loba zibomvu njengegazi,
zizakuba njengoboya bezimvu.