1 Ndin ikọ Abọọñ amaadisịm Yọna ayọhọ akañ iba ate: 2 "Kaa ekamba abio Ninife nyʌñ kedọkkọ anye etob a-ami unọọhọ fiin."

3 Yọna amaakop ikọ Abọọñ anyʌñ adakka akaa Ninife. Ninife akedo ataa ekamba abio; akedat usen ita adisaña ke esịd amọ. 4 Yọna amaatọọñọ ke adinam isañ usen keed ke abio ado, asaña akwọrọ abo, "Usen aba asʌhọ ndin Ninife ayaaduọ." 5 Mbon Ninife emaenịm Abasi ke akpanikọ. Emaenịm utreudia, ndin afịd ammọ, tọọñọ ke mme adaaha tutu awuọ andisịb ñkan, emaesịne afọñikpo ke idem.

6 Ke ini etob Yọna akekesịmme adidem Ninife, anye amaadakka ada ke ebekpo amọ, asịññe afọñidem ubọọñ amọ ke idem, aben afọñikpo asịne anyʌñ asuuk atie ke ntọñ. 7 Ewʌhọ a-anye akenọọhọ ke Ninife ado ami:

Etop ami ato adidem ye mme adaaha amọ:

Ikiiyak nọ mme awo me unam, udịmenañ me udịmedọñ ndomokeed esịn ñkpọ ndomokeed ke inua; ikiiyak ammọ edia ñkpọ me enwọñ ñkpọ. 8 Ado yak esịn mme awo ye unam afọñikpo. Yak afịd awo eseeme enọ Abasi usọp-usọp. Yak ammọ ekpọñ idiọọk ido ammọ ye afai uwem. 9 Anie idiọọñọ? Abasi akeme adikpəho akikere anyʌñ akpọñ akpọsọñ iyadesịd amọ akappa ise ñnyịn ye mbọm, mbaak ñnyịn iditak.

10 Ke ini Abasi amaakekịt se ammọ ekenam ye naña ammọ ekekpọñ idiọọk ido ammọ, anye amaakpəho akikere, inyʌññọ isobo ammọ naña akeduak.