1 Usen keed, naña Yisọs akesʌkkọ ada ke mben Ibiok Yenesaded,* uwak awo emaediyọhọ ekanna anye ekʌk adikop ikọ Abasi. 2 Anye amaakịt ubom iba a-mme akọiyak ekeyaaha ebon ke mben mmọọñ, sia ammọ ekewuọñọ eka adiyet iyịre ammọ. 3 Anye amaadʌk ubom keed, a-akenieghe Saimọn, anyʌñ abeeñe Saimọn ate anək ubom ado akpọñ mben esʌk etək. Anye ndin amaasuuk atie ke ubom akpeep atu awo ñkpọ.

4 Ke anye amaaketañ ikọ ama, anye amaabo Saimọn, "Wat wuọ kaa utəño mmọọñ, nyʌñ top iyịre nọ amʌm iyak."

5 Saimọn amaabọọrọ anye ate, "Eteufọk, ñnyịn imaikpa utom afịd akonayio ami, ado ikimʌmmọ ñkpọ ndomokeed. Ado sia adooho afo atañ, ñyaatop iyịre nsịn ke mmọọñ."

6 Ke ammọ emaekenam ntoro, ammọ emaemʌm ataa uwak iyak tutu iyịre ammọ atọọñọ adikịppe. 7 Ndin ammọ emaenam idiọọñọ ekoot mme nsaña ammọ e-ekesịneke ke ubom mfen ete edinwam mmimọ. Mbon ado emaedi edidọñ iyak eyọhọ naña ubom iba tutu mme ubom ami etọọñọ adideñ.

8 Saimọn Pita akekịt ami, anye amaaduọ Yisọs ke edọñ ate, "Dakka ñkpọñ miin Abọọñ, sia ami ndo anam idiọọkñkpọ." 9 Sia idem amaanekke akpa anye ye mme nsaña amọ ke utọ uwak iyak a-ammọ ekemʌmmọ, 10 ukem-ukem naña idem akekpa Yems ye Yọọn, nditọ Sebidi e-ekedoññoke nsaña Saimọn.

Ndin Yisọs amaabo Saimọn, "Kuuyak idem unyeñ, tọọñọ ke idahami kaa iso, afo uduusukọ awo." 11 Ke ammọ emaekewat mme ubom ammọ ekewuọ esʌk, ammọ emaekpọñ afịd ñkpọ enyʌñ ekeene anye.

12 Usen keed, naña Yisọs akebaaha ke abio keed, awodeen a-akpamfia* akefʌkkọ afịd idem amaadi. Ke ini anye akekịtte Yisọs, anye amaaduọ akʌp iso ke isọñ akpeiye anye ate, "Abọọñ, adieke afo anyịmmeke, amekeme inam ami nsana."

13 Yisọs amaanyan ubọk amọ atuuk anye ate, "Ami mmenyịmme, sana!" Kpa idahado, akpamfia amaakweeñe anye.

14 Ndin Yisọs amaadʌt anye utọñ ate, "Kuutañ unọọ awo ndomokeed, ado kaa ke wọt aku idem nyʌñ wa uwa naña Moses aketemme abaña adinam afo asana, nte ñkpọ ntiense anọ mme awo."

15 Ado etob amọ amaanenekke asuana, ndin uwak atu awo emaewuọñọ edi edikop ikọ amọ ye adibọ ukọk ke mme udọñọ ammọ. 16 Ado Yisọs amaasikpọñ ammọ ke ini ke ini, akaa itie se idobo akebọñ akam.

17 Akedo usen keed, idaha Yisọs akekpeebe mme awo ñkpọ, mme Farisi ye mme andikpeeb mbed emaebono do. Ammọ eketo afịd mme idʌñ ke Kalili, ye Yudia, ye Yeruselem edi. Ndin adudu Abọọñ amaaba ye Yisọs adikọk mme awo e-ekedọñọke udọñọ. 18 Akem mme awo emaeben awo akpaubeñ ewañ ke aya eyem usʌñ naña eben anye edʌk ufọk ekenịm ke iso Yisọs. 19 Ado akeene udịm awo se ikiba, ammọ ikikịtte ufañ naña eboiyo edʌk. Ado anam ammọ emaedọọk ekeyaara akọm ufọk, esuuk anye ke aya a-anye akenaaha, enịm ke ufọọd atu awo, kpa ke iso Yisọs.

20 Ke Yisọs amaakekịt mbuọdidem ammọ, anye amaabo awo ado ate, "Ufan, e-efeen ndiọiñkpọ mfo."

21 Mme Farisi ye mme akpeeb mbed emaetọọñọ adikere ke atu idem ammọ ete, "Anie awo idodo ami a-asuuhọ Abasi uyio? Anie akeme adifeen ndiọiñkpọ ke miibọhọke Abasi ikpọọñ?"

22 Yisọs amaadiọọñọ se ammọ ekekere, amaanyʌñ abịp ammọ ate, "Nsoo ido ntak a-ndufo ekereke utọ mme ñkpọ ami ke esịd ndufo? 23 Akee imem ikan: Adibo, ‘Efeen mme idiọọkñkpọ mfo,’ me adibo, ‘Dakka da saña’? 24 Ado ami ñyem inam ndufo ediọọñọ ke Ayịn Awo anie adudu ke isọñ adifeen mme idiọọkñkpọ." Ndin anye amaabo awo akpaubeñ ado ate, "Ami ubo fiin, dakka da, ben aya mfo, nyʌñ nyọñ ufọk." 25 Kpa ke ukem idahado, anye amaadakka ada ke iso afịd ammọ, aben aya amọ anyọñ ufọk, asaña asʌk atooro Abasi. 26 Afịd awo emaeba ke ñkpaidem, enyʌñ enọ Abasi itooro. Idem amaakpa ammọ eti-eti, tutu emaebo ete, "Ñnyịn imikịt utịppe ñkpọ mfịn."

27 Ke ado amaakeboiyo, Yisọs amaawuọ usʌñ anyʌñ akekịt abọọ taks a-akekereke Lifai naña atie ke atayad ubọ taks. Yisọs amaakoot anye ate "Ñkeene miin," 28 ndin Lifai amaakpọñ afịd ñkpọ, adakka ada anyʌñ akeene anye.

29 Ndin Lifai amaanam ekamba usọrọ anọ Yisọs ke ufọk amọ, ndin uwak mme abọọ taks ye mbon mfen emaesịne ke atu mbon e-ekediaha ñkpọ ye ammọ. 30 Ado mme akpeeb mbed ye mme Farisi emaedukuunọ enọ mme mbed Yisọs ete, "Ntak a-ndufo ediaha enyʌñ enwọñ ñkpọ ye mme abọọ taks ye mme anam idiọọkñkpọ-ọ?"

31 Yisọs amaabọọrọ ammọ ate, "Idooho mbon se idem asọñ esiyem abiaibọk, ado mbon udọñọ esiyem. 32 Ami ñkidiighe adikoot ndinen awo, ado ñkedi adikoot mme anamidiọọk mbo ekappa esịd."

33 Ammọ emaebo Yisọs ete, "Mme mbed Yọọn esitre ndidia ndin-ndin, ebọñ akam, ukem ado ye mme mbed mme Farisi, ado mme mbed mfo esʌk edia enyʌñ enwọñ ñkpọ."

34 Yisọs amaabọọrọ ammọ ate, "Nte ndufo ekpaekan enam mme ufan ebendọ etre ndidia naña ebendọ abaaha ye ammọ? 35 Ado ini asʌk adi e-ediiben ebendọ idakka ikpọñ ammọ, ini ado ke ammọ ediitre ndidia."

36 Ndin Yisọs amaatop ñke ami anọ ammọ ate, "Awo ndomokeed isiwaaha ibio ufa afọñ iben idian ke akaan ikịm. Akpenam ntom, ufa afọñ ayaawakka, ufa afọñ ado ñko idiidooho ukem ye akaan. 37 Ñko, awo ndomokeed isibenne ufa ukọd inwañña idọñ ke ñkaan ikịm ukọd. Akpenam ntoro, ufa ukọd ayaaduat mme ikịm ado abom; ukọd ado ayaanyʌñ aduọkkọ, mme ikịm enyʌñ eboomo. 38 Ana enwañña ufa ukọd edọñ ke mme ufa ikịm. 39 Ibaaha awo ndomokeed a-anwọññọ akaan ukọd amaana akeyem ufa, sia ammọ ebo, ‘Akaan ado anem akan.’ "