18 Akem mme awo emaeben awo akpaubeñ ewañ ke aya eyem usʌñ naña eben anye edʌk ufọk ekenịm ke iso Yisọs. 19 Ado akeene udịm awo se ikiba, ammọ ikikịtte ufañ naña eboiyo edʌk. Ado anam ammọ emaedọọk ekeyaara akọm ufọk, esuuk anye ke aya a-anye akenaaha, enịm ke ufọọd atu awo, kpa ke iso Yisọs.
20 Ke Yisọs amaakekịt mbuọdidem ammọ, anye amaabo awo ado ate, "Ufan, e-efeen ndiọiñkpọ mfo."
21 Mme Farisi ye mme akpeeb mbed emaetọọñọ adikere ke atu idem ammọ ete, "Anie awo idodo ami a-asuuhọ Abasi uyio? Anie akeme adifeen ndiọiñkpọ ke miibọhọke Abasi ikpọọñ?"
22 Yisọs amaadiọọñọ se ammọ ekekere, amaanyʌñ abịp ammọ ate, "Nsoo ido ntak a-ndufo ekereke utọ mme ñkpọ ami ke esịd ndufo? 23 Akee imem ikan: Adibo, ‘Efeen mme idiọọkñkpọ mfo,’ me adibo, ‘Dakka da saña’? 24 Ado ami ñyem inam ndufo ediọọñọ ke Ayịn Awo anie adudu ke isọñ adifeen mme idiọọkñkpọ." Ndin anye amaabo awo akpaubeñ ado ate, "Ami ubo fiin, dakka da, ben aya mfo, nyʌñ nyọñ ufọk." 25 Kpa ke ukem idahado, anye amaadakka ada ke iso afịd ammọ, aben aya amọ anyọñ ufọk, asaña asʌk atooro Abasi.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)