Jeremias 31

31 "ഞാൻ ഇസ്രായേൽഗൃഹത്തോടും

യെഹൂദാഗൃഹത്തോടും

പുതിയൊരു ഉടമ്പടി ചെയ്യുന്ന കാലം വരുന്നു,"

എന്ന് യഹോവയുടെ അരുളപ്പാട്.

32 "ഞാൻ അവരുടെ പൂർവികരെ

ഈജിപ്റ്റിൽനിന്ന് സ്വതന്ത്രരാക്കാനായി

കൈക്കുപിടിച്ചു പുറത്തേക്കു കൊണ്ടുവന്നപ്പോൾ

ചെയ്ത ഉടമ്പടിപോലെയുള്ളത് അല്ലായിരിക്കും ഇത്.

ഞാൻ അവർക്കൊരു ഭർത്താവായിരുന്നിട്ടും

എന്റെ ഉടമ്പടി അവർ ലംഘിച്ചല്ലോ,"

എന്ന് യഹോവയുടെ അരുളപ്പാട്.

33 "ആ കാലത്തിനുശേഷം ഞാൻ ഇസ്രായേൽഗൃഹത്തോടു ചെയ്യാനിരിക്കുന്ന

ഉടമ്പടി ഇപ്രകാരമായിരിക്കും," എന്ന് യഹോവ അരുളിച്ചെയ്യുന്നു.

"ഞാൻ എന്റെ ന്യായപ്രമാണം അവരുടെ മനസ്സിന്റെയുള്ളിൽ വെക്കും,

അവരുടെ ഹൃദയങ്ങളിൽത്തന്നെ അത് ആലേഖനംചെയ്യും.

ഞാൻ അവർക്കു ദൈവവും

അവർ എനിക്കു ജനവും ആയിരിക്കും.