इस्राएलचे एकमेव तारणकर्ता
1 परंतु आता, याहवेह असे म्हणतात—
याकोबा, ज्यांनी तुला निर्माण केले,
इस्राएला, ज्यांनी तुझी रचना केली:
"भिऊ नको, कारण खंडणी भरून मी तुझी सुटका केली आहे.
मी तुला नावाने हाक मारली आहे; तू माझीच आहेस.
2 जेव्हा तू खोल जलातून जाशील,
मी तुझ्याबरोबर असेन,
जेव्हा तू नद्या ओलांडून पुढे जाशील,
त्या तुला बुडविणार नाही!
जेव्हा तू अग्नीतून चालत जाशील,
तू भाजली जाणार नाही.
त्या ज्वाला तुला भस्म करणार नाहीत.