Atos 2

पेन्तिकोस्टमा पवित्र आत्माको आगमन

1 जब पेन्तिकोस्टको*2:1 निस्तार चाडपछि पचासौँ दिनमा मनाइने यहूदीहरूको चाड; यस पदमा भनिएको पेन्तिकोस्टको दिन चाहिँ येशू ख्रीष्‍टको मृत्युको ठिक पचासौँ दिनमा परेको थियो हेर्नुहोस् प्रस 34:22; लेवी 23:15-23 दिन आइपुग्यो, तब तिनीहरू सबै एकै ठाउँमा एकसाथ भेला भएका थिए। 2 अचानक त्यहाँ स्वर्गबाट ठूलो बतास हुरी चलेजस्तै एउटा ठूलो आवाज आयो, र तिनीहरू बसेको पूरै घरलाई त्यसले भरिदियो। 3 अनि तिनीहरूले आगोका ज्वालाका जिब्राहरूझैँ देखे, र ती तिनीहरू हरेकमाथि आएर बसे। 4 तिनीहरू सबै पवित्र आत्माले भरिए। तब पवित्र आत्माले तिनीहरूलाई सामर्थ बनाउनुभएअनुसार अन्य भाषाहरूमा बोल्न थाले।