उत्पत्ति 3

17 आदमलाई उहाँले भन्‍नुभयो, "किनकि तैँले तेरी पत्नीको कुरा सुनेको र मैले तँलाई ‘खाँदै नखानू भनी आदेश दिएको रूखको फल खाएको हुनाले,’

"तेरो कारणले भूमिमा श्राप परेको छ;

तेरो जीवनकालभरि

तैँले कष्‍टसाथ परिश्रम गरेर त्यसको फल खानेछस्।

18 भूमिले तेरा निम्ति काँडा र सिउँडी उमार्नेछ;

अनि तैँले खेतबारीका सागपात खानेछस्।

19 जबसम्म तँ माटोमा फर्किजाँदैनस्,

तबसम्म तेरो निधारको पसिनाद्वारा

तैँले आफ्नो भोजन खानेछस्;

किनकि तँ धुलो होस्,

र तँ धुलोमा नै फर्किजानेछस्;

किनकि यसैबाट तँ बनाइएको थिइस्।"