यूहन्‍ना 19

25 येशूको क्रूसको नजिकै उहाँकी आमा मरियम, उहाँकी आमाकी बहिनी, क्लोपासकी पत्नी मरियम र मरियम मग्दलिनी उभिरहेका थिए। 26 जब येशूले त्यहाँ आफ्नी आमालाई र उहाँले धेरै प्रेम गर्नुहुने चेलालाई नजिकैमा उभिरहेको देख्नुभयो, तब उहाँले आफ्नी आमालाई भन्‍नुभयो, "हे नारी! हेर्नुहोस्, तपाईंको छोरा!" 27 अनि चेलालाई उहाँले भन्‍नुभयो, "हेर, तिम्री आमा।" त्यस दिनदेखि त्यस चेलाले येशूकी आमालाई आफ्नै घरमा लगे।