Mateus 12

10 त्यहाँ हात सुकेर नचल्ने भएको एक जना मानिस थियो। येशूलाई दोष लगाउने कारण भेट्टाउनलाई तिनीहरूले उहाँलाई सोधे, "के शब्बाथमा निको पार्नु उचित छ?"

11 उहाँले तिनीहरूलाई भन्‍नुभयो, "यदि तिमीहरूको एउटा भेडा छ; अनि त्यो शब्बाथ दिनमा खाडलभित्र खस्यो भने के तिमीहरूले त्यसलाई समातेर बाहिर निकाल्नेछैनौ र? 12 मानिस भेडाभन्दा कति मूल्यवान् हुन्छ! यसकारण शब्बाथ दिनमा असल गर्नु उचित हुन्छ।"

13 तब उहाँले त्यस मानिसलाई भन्‍नुभयो, "तिम्रो हात सीधा पसार।" त्यसले सीधा पसार्‍यो, र त्यसको हात अर्कोजस्तै निको भयो।