31 Jehova Nyasaye wacho niya, "Kinde biro ma anatim

singruok manyien gi dhood jo-Israel kod dhood jo-Juda.

32 Singruokno ok nochal gi mano

mane atimo gi kweregi,

kane amako lwetgi

mi atelonegi kagologi e piny Misri,

nikech negiketho singruokna,

kata obedo nine an chworgi,"

Jehova Nyasaye ema owacho.

33 "Ma e singruok ma anatim

gi dhood jo-Israel bangʼ ndalogo," Jehova Nyasaye owacho.

"Abiro keto chikena e pachgi

kendo ndikogi e chunygi.

Anabed Nyasachgi

kendo ginibed joga.

34 Koro ngʼato ok nochak opuonj jabathe,

kata nyawadgi kowacho ni,

‘Ngʼe Jehova Nyasaye,’ nikech giduto giningʼeya,

kochakore ngʼat matinie moloyo nyaka ngʼat maduongʼie moloyo,"

Jehova Nyasaye owacho.

"Nimar anawenegi timbegi maricho

kendo ok anachak apar richogi kendo."